Qadaý-qadaý zamandardan beri janarynan jalyny óshpegen arda qazaq degen elmiz! El basyna kún týǵanda kók bórideı kemelimizdi qas dushpany aıaqqa moıyndaǵan elmiz! Qazaǵym degen qaıratty júrek barda , ult bolmysy óship pe? Tarıhtyń myńdaǵan ıirimi shaıyp ótse de boıynda qaınap turǵan qazaq qany barda adal perzent eli úshin arpalysyp ótti. Sol mańdaıdan shyqqan ár tamshy ter men eldiktiń beriktigi úshin etken eńbektiń artyndaǵy ańsar ne?Ult retinde tartysqa toly álemde naǵyz qazaqtyń kim ekenin kórsetý, ulttyq qundylyqtardy joıyp almaı, keleshekke jetkizý jolyndaǵy arman...
Qazirde babalar ańsaǵan asqaq murat oryndalyp, aspany ashyq beıbit kúnniń qýanyshyn kórýdemiz. Tuńǵysh prezıdent N. Nazarbaev bir sózinde bylaı deıdi: «Qazaqstannyń búgini men bolashaǵy – halqymyzdyń yntymaq-birliginde, yrys-qutty tirliginde». Tarıh teketiresinde qutty birlik bolmaǵanda, búginniń úlken syıy berilmes edi árıne. Jaqsylyqtyń jarshysy bolǵandaı táýelsizdik jarylqaı kelgennen beri memlekettiń qadamy nyq, jospary myǵym bolýy alǵa etken maqsuttardan anyqtalyp kele jatyr. Ulttyq bolmysty saqtaý – halqymyzdyń eń úlken qazynasy. Al bul baǵytty josparly túrde júrgizý úshin Rýhanı jańǵyrý jobasy jasalynǵan edi. Kóneniń kózindeı bolǵan syrǵa toly saltymyz, babalar ósıetin madaqtaıtyn baǵa jetpes tilimiz, ózgege bergisiz teńdessiz mádenıetimizdi sol qalpynda keleshekke tabystaý – Rýhanı jańǵyrýdyń eń basty maqsaty. Bolashaqta ulttyń tabysty bolýy onyń tabıǵı baılyǵymen emes, adamdarynyń básekelik qabiletimen aıqyndalady… Sondyqtan, árbir qazaqstandyq, sol arqyly tutas ult HHI ǵasyrǵa laıyqty qasıetterge ıe bolýy kerek. Álem memleketteri kóz tigip otyrǵan baıtaq dalany kózdiń qarashyǵyndaı saqtaı otyryp, damyǵan eldiń aıbyndy keskinin kórsetý – ár qazaqqa artylǵan mindet!
Joba rýhy bıik halqymyzdyń ata jolyn jańǵyrtýǵa túrtki bola alsa, mine, osy – baqyt! Jańa jaǵdaıda jańǵyrýǵa degen ishki umtylys - bizdiń damýymyzdyń eń basty qaǵıdasy. Otanymdy súıgen júrekten qazir ǵana jyrlar tógilip jatyr...
Jýsanyńdy ıiskep turyp bir ýys...
Qýat alǵan qudirettiń ózinen,
Men qazaqty qaharman dep sezinem.
Ot pen sýdan taıynbaǵan halyqpyz,
Sonaý uly qaǵandardyń kezinen.
Altaı, Arqa, Alataýda kóshkenbiz,
Shyǵarmaımyz sol kúnderdi esten biz.
Tulparlardyń tuıaǵynyń dúbirin,
Kókirekke túıip bizder óskenbiz.
Eldigime bolmasyn tek talasyń,
Bilmegender tarıhyma qarasyn.
Babalarym bizder úshin saqtaǵan
Altaı menen Aq Jaıyqtyń arasyn.
Arym menen namysymdy taptaǵan,
Ótti-aý zaman, nebir zulmat Aqtaban.
Qıyn kezdiń taba bilgen qısynyn
Babalardyń erligine maqtanam.
Tańǵajaıyp halyq edik netken biz,
Shetimizden erjúrek bop ketkenbiz.
Táýelsizdik tuǵyryna biz solaı
Toqsan birde túbegeıli jetkenbiz.
Basqalarmen teńgerilip terezem,
Keńge tartty qasıetti keregem.
Bile bilsek, munyń bári búgingi
Elbasynyń saıasaty kóregen.
Halyq boldyq búkil álem tanyǵan,
Aıyrylmasyn qazaǵym tek baǵynan.
Qutty bolsyn! Qazaqstan qosyldy,
Elý eldiń qataryna damyǵan.
Aldymyzda baǵyndyrar beles kóp,
Sol beleste erler elmen keńespek.
Kúsheıgesin áleýeti halqymnyń
Eń damyǵan otyz elmen teńespek.
Elbasymyz sheshti talaı suraqty,
Oryndady maqsat-múdde, muratty.
Nazarynda ustap otyr túsirmeı
Bilim berý máselesin turaqty.
Barsha halyq bir aýyzdan qoldaǵan,
Bastama kóp Elbasymyz joldaǵan.
Sonyń biri – Rýhanı jańǵyrý
El taǵdyryn, jer taǵdyryn tolǵaǵan.
Týǵan elim, Qazaqstan, kıelim,
Seni sheksiz jan tánimmen súıemin.
Jýsanyńdy ıiskep turyp bir ýys
Qadir tutyp basymdy men ıemin!
Uldaı Daýylova,
Ál Farabı atyndaǵy QazUÝ Fılologııa jáne álem tilderi fakýltetiniń stýdenti
Ǵylymı joba jetekshisi: F. Qozybaqova,
Ál Farabı atyndaǵy Qazaq Ulttyq ýnıversıteti tarıh jáne arheologııa, etnologııa fakýltetiniń
Qazaqstan tarıhy kafedrasynyń professory
