Tramp: BUU agenttigi qytaılyq jalǵan aqparatty taratqan

3303
Adyrna.kz Telegram

Qurama Shtattar prezıdenti Donald Tramp Dúnıejúzilik densaýlyq saqtaý uıymy (DDU) koronavırýs pandemııasymen kúreste dármensiz bolýyna baılanysty uıymnyń bıýdjetine jarna tóleýdi toqtata turýǵa buıryq bergenin málimdedi. Bul týraly QazAqparat VVS agenttigine silteme jasap habarlaıdy.

«Shynaıy jaǵdaı bylaı, Dúnıejúzilik densaýlyq saqtaý uıymy aqparatty jetkilikti dárejede alyp otyrmady, teksermedi jáne ony ýaqytyly jáne ashyq túrde jarııalamady. Álem elderi Dúnıejúzilik densaýlyq saqtaý uıymy densaýlyqqa tónetin halyqaralyq qaýip týraly naqty aqparattardy ýaqytyly taratyp otyratynyna úmittenedi. Al eger olaı bolmasa oryn alyp jatqan jaǵdaı týraly óz betimen jetkizedi. DDU atalǵan negizgi mindetin oryndamady jáne jaýapkershilikke tartylýy kerek. Ondaǵan jyldardan keıin ýaqyt jetti», - dedi Tramp Aq úıdegi baspasóz máslıhatynda.

Prezıdenttiń aıtýynsha, BUU agenttigi qytaılyq jalǵan aqparatty taratqan. Bul, epıdemııanyń anaǵurlym aýqymdy saldaryna alyp kelgen. Osylaısha, D. Tramp Qytaıda paıda bolǵan vırýstyń ǵalamshar boıynsha taralyp ketý oqıǵasynda DDU-nyń róli anyqtalǵanǵa deıin qarjylandyrýdy toqtata turýǵa nusqaý berdi.

Aıta keteıik, AQSh – DDU-nyń eń iri qarjylandyrý kózi. Tek ótken jyldyń ózinde ǵana olardyń jarnasy 400 mln dollardy, ıaǵnı uıym bıýdjetiniń 15% quraǵan bolatyn. Al BUU Bas hatshysy Antonıo Gýterresh qazir Dúnıejúzilik densaýlyq saqtaý uıymynyń nemese vırýspen kúresetin basqa da gýmanıtarlyq uıymdardyń qyzmeti úshin resýrstardy qysqartatyn ýaqyt emes ekenin málimdedi.

«Qazir – bul vırýsty jáne onyń epıdemııalyq saldaryn joıý úshin halyqaralyq qaýymdastyqtyń birlesip jumys jasaý ýaqyty», - dedi BUU Bas hatshysy.

Pikirler