Ol kishkentaı kezinen eregesip er jetti...
Ákesi shaǵyn aýyldyń malyn baǵatyn.
"Qazaqı tanystyq" degen osy aýylda edi.
Muǵalim bitken-ákimniń, aqshalylardyń, qyzmettesteriniń balalaryna ǵana jaqsy baǵa qoıatyn.
Bul kúnde sabaqqa daıyndalyp barady.
Kúnde tap-taza júretin.
Kúnde tozyńqy kıimin ózi jýyp, jamap alady...
Syrqat sheshesi qalǵan jeti balamen áýre.
Ákesiniń tapqany, mardymsyz aqshasy jetpeıdi - kóp balaly shańyraqqa.
Oqýǵa túskeninde qujat qabyldap otyrǵan qyz - bári bes attestattyń ıesiniń medalsiz ekenine tań qalǵan.
Sońynan keler aqshasy joq Gúlim-bos ýaqytynda eldiń edenin jýyp, keshke restorandarda daıashy bolyp istedi...
Osylaı júrgeninde Sultandy kórgen.
Qazaq tilinde sheshen, bılikke qarsy symbatty jigit baýrap aldy janyn...
Bul ókimet qurý kerek deıtin.
Biz bılikke kelýimiz kerek deıtin...
Deıtin...
Sultannyń shaqyrǵan bar jıynyna bardy.
Óz pikirin, maqalalaryn bar saıt, álem jelige jaza bastaǵan.
Basynda buǵan UQK adamdary kelip jolyqqan, keıin dekanat eskertti.
Sodan soń tún tektes kúnder bastaldy.
Basynda sasyp qalǵan Gúlimniń qasyna Sultan kelip, kómek qolyn sozǵan.
Bul da qulaı kóngen...
Bári bir oqýmen qosh aıtysýǵa týra kelgen.
Sońynda Sultan da sýsyp, boı tartqan...
Bunyń beti de toralanyp qalypty...
Qaltafonnan sarylyp, saǵattap izdep áreń tapqan.
Jaıyn aıtqan...
Únsiz qaldy...
Kelesi jolyqqanda shynyn aıtqan.
Men úılengenmin!
Ári organda isteımin...
...júregi atqaqtap soqty!
Ary qaraı esin bilmeıdi...
Óz-ózine kelgende qarasa qasynda Sultannyń óli denesi jatyr.
Eger bul asylyp ólse-denesin alýǵa ákesiniń aqshasy joǵyn oılady...
Syrttan..."qazaq bolyp týmaǵanda neter em" degen án estilip jatty.
