"Qazaqty kezinde ǵarysh kemesine otyrǵyzdyq ta kókke ushyrdyq"

3749
Adyrna.kz Telegram

Kırıll Kleımenov - jáı jazyp bergendi sýdyrtyp oqyp beretin qaýǵabas dıktor emes, ol Reseıdiń bildeı bir basty telearnasynyń basshysynyń orynbasary.
Pýtın bılegen Reseıdiń beldi propagandısteriniń biri.

Sol keshe bizdi meńzeı otyryp aıtatynyn aıtyp tastady. Reseıdiń mıllıondaǵan kórermeni tamashalaıtyn aýqymdy jáne azýly arnadan aıtty.

"Qazaqty kezinde ǵarysh kemesine otyrǵyzdyq ta kókke ushyrdyq", dedi, " sosyn oǵan ǵarysh kemesinde onyń eshnárseni shuqylamaı typ tynysh otyrýyn tapsyrdyq. ("Báribir eshteńege mıyń jetpeıdi quıryǵyńdy qysyp kókke ushyp baryp kel, sol ataq ta jetedi senderge" degeni).

Meni buryn mynadaı suraq mazalaıtyn:

Baıqońyr ǵarysh aılaǵy qazaq jerinde. Odan 1961 jyldan beri ǵaryshqa pálen márte qanshama ǵaryshker ushty.
Sovet zamanynda odan ıt te ushty, doıarka qatyn da ushty, orys, ýkraın, belorýstan pálen ǵaryshkerler, tipti aıdaladaǵy grýzın men ázirbaıjannan da ǵaryshkerler ushypty.

Sonda óz jerinde kosmodrom ornalasqan qazaqtan nege ǵaryshker ushpaǵan?

Toqtar Áýbákirov ǵaryshqa 1991 jyldyń qazan aıynda ǵana ushypty.
Gagarınnen keıin týra otyz jyl ótken soń.
Onyń ózinde, osy 1991 jyldyń qazany degenimiz Sovet úkimetiniń ólgen kezi. Ony óltirip ketken 1990 jyldary - aq ol odaqtan shyǵyp ketken Baltyq jaǵalaýynyń elderi bolatyn. Sovet bul kezde bir aıaǵymen kórde turǵan.
Áýbákirov sol kezde ǵaryshqa ushty.
Oǵan sheıin otyz jyl boıy Baıqońyrdan birde bir qazaq ushpapty.

Osy jaıt meni buryn qatty oılantyp qoıatyn.
"Sonda nelikten qazaq ǵaryshqa ushpaǵan, ol baıǵus óz jerindegi, qoı qorasynyń tóbesine qulap jatqan geptıl men raketa kapsýlasyn tańyrqaı tamashalap qana qoı - eshkisin baǵyp júre bergen be" dep qynjylatyn edim.

Bunyń jaýabyn orystyń shovınısteri keshe osy Kleımenovtyń aýyzymen berdi. Raqmet saǵan shovınıst Kleımenov, shyndyǵyń úshin raqmet.

Oljas Ábil

Pikirler