10 sáýir kúni Aqtóbede jedel járdem feldsherleri "tótenshe jaǵdaı kezinde qosymsha aqy almadyq" dep narazylyq bildirdi. Narazy elý shaqty qyzmetker qalalyq jedel járdem beketi jınaldy.
- Elde tótenshe jaǵdaı jarııalanǵan kezde jedel járdem beketiniń basshylyǵy "bárińe qosymsha aqy tólenedi" dedi. Bizdiń oǵan esh kúmánimiz bolmady. Óıtkeni ár kúnimiz qaýip-qaterge toly. Kásibı mindetimiz bolǵandyqtan ári qosymsha aqy tólenedi degennen keıin kún saıyn táýekelge baryp júrmiz. Búgin, 10 sáýirde naýryz aıynyń jalaqysyn aldyq. Qosymsha aqy tólenbepti. Biz osyǵan narazymyz, - deıdi feldsher Móldir Mataıýpova.
Narazy toptyń sózine qaraǵanda, jedel járdemde COVID-19 dertine qarsy 24 brıgada jasaqtaǵan. Ózin Maqsat dep tanystyrǵan feldsher "Koronavırýsqa baılanysty jasaqtalǵan brıgadaǵa kirmesek te, vırýspen jedel járdemniń kez-kelgen brıgadasy tap kelýi múmkin. Sondyqtan bárine birdeı ótemaqy tólenýi tıis" dep sanaıdy.
Al Aqtóbe oblysy densaýlyq saqtaý basqarmasy narazylyq bildirgen jedel járdem qyzmetkerler “koronavırýske baılanysty qurylǵan arnaıy 24 brıgadada emes, sondyqtan ótemaqy tólenbedi” dep málimdedi.
- Koronavırýspen kúresýshi medıına qyzmetkerleri qaýiptiń deńgeıine baılanysty úsh kategorııaǵa bólingen. Birinshi kategorııaǵa ınfekıonıst dárigerler, reanımatologtar engen. Olardyń vırýs juqtyrý qaýpi asa joǵary. Jedel járdem ekinshi kategorııaǵa jatqyzylǵan. Jedel járdemniń ózinde vırýs juqtyrý qaýpi joǵary arnaıy jasaqtalǵan brıgadalar bar. Qosymsha tólemdi solarǵa berdik. Arnaıy brıgadalardyń ózi júktemesine qaraı 100, 200, 300 myń teńgeden qosymsha aqy aldy. Oblysta 425 myń teńge alǵan birde-bir dáriger joq. Biz densaýlyq saqtaý mınıstrliginiń buıryǵyna sáıkes áreket ettik, - deıdi Aqtóbe oblystyq densaýlyq saqtaý basqarmasy basshysy Áset Qalıev.
Aqtóbe oblystyq densaýlyq saqtaý basqarmasynyń málimetinshe, oblysta 854 medıına qyzmetkeri koronavırýspen kúreske jumylǵan. Onyń 120-y jedel járdem beketterinde jumys isteıdi. Aqtóbe oblysynda 11 adamnan koronavırýs tabylǵan. Bir turǵyn dertten aıyqty.
30 naýryzda Qazaqstan úkimeti vırýspen kúresip jatqan dárigerlerge qosymsha ótemaqy taǵaıyndalǵan. Soǵan saı, “qaýiptiligi asa joǵary top” - reanımaııa bólimderin qosa alǵanda juqpaly aýrýlar staıonarynyń dárigerleri, orta jáne kishi medıına qyzmetkerleriniń jalaqysyna 850 myń teńge kóleminde ústemaqy qosylady. "Qaýiptiligi joǵary top" - provızorlyq staıonar men jedel járdem qyzmetiniń dárigerleri, orta jáne kishi medıına qyzmetkerleriniń jalaqysyna aıyna 425 myń teńge qosylady. "Qaýiptiligi ortasha top" - karantındik staıonar dárigerleri, orta jáne kishi medıına qyzmetkerleri sanıtarlyq dárigerler, jedel járdem júrgizýshileriniń jalaqysyna aıyna 212 myń teńge qosylady.
"Azattyq" radıosy
Foto: "Azattyq" radıosy
