COVID-19 juqtyrǵan dárigerdiń jazbasynan keıin bas dáriger men ákim orynbasary jazalandy

3641
Adyrna.kz Telegram

Nur Otan komıssııasy koronavırýs ınfekııasyn juqtyrǵan qyzmetker Tolqynaı Ordabaeva jumys isteıtin Jambyl oblysyndaǵy aýdandyq aýrýhanada zańbuzýshylyq baryn anyqtady, - dep habarlaıdy Tengrinews.kz partııanyń baspasóz qyzmetine silteme jasap. 

Áleýmettik jelide jarııalanǵan úndeýden keıin kelesi aqparat anyqtaldy. Infekıonıst-dáriger Tolqynaı Ordabaeva jeke paraqshasynda Jambyl oblysy Merke aýdanyndaǵy aýrýhanada basshylyq tarapynan zańbuzýshylyq bolǵanyn jazǵan.

"Atalǵan jazba boıynsha Partııalyq baqylaý komıssııasy tekseris júrgizdi, atalǵan derekter rastaldy. Merke aýdandyq aýrýhana ákimshiligi medıına qyzmetkerlerin maskany ózderi tigýdi talap etken. Sondaı-aq jumysta maskalar men qorǵanysh quraldary berilmegen. Osyǵan baılanysty aýdandyq aýrýhananyń bas dárigeriniń mindetin atqarýshy Danııar Núsipbekov pen densaýlyq saqtaý salasyna jetekshilik etetin aýdan ákiminiń orynbasary Marat Qasym partııalyq jaýapkershilikke tartyldy", - delingen habarlamada.

Eske salaıyq, keshe Merkedegi ortalyq aýdandyq aýrýhanada ınfekıonıst bolyp jumys istep júrgen Tolqynaı Ordabaeva aýrýhanadaǵy jaǵdaıdy Facebook jelisindegi paraqshasynda jazǵan. Ordabaevanyń aıtýynsha, ol vırýsty karantınde naýqastardy emdep júrgende juqtyrǵan. Dárigerdiń aıtýynsha, olarǵa maska da berilmegen. Maskany ózderine tigýge týra kelgen.

"Naýqastarmen baılanysta bolǵandardy 14-shi kúni tekserý múmkin bolmady, sebebi Jambyl oblysynda ony tekseretin qural joq. Sondytan olardy koronavırýsqa sońǵy baqylaý saraptamasynan ótkize almaı, aýrýhanadan shyǵarýǵa týra keldi", - deıdi dáriger.

Qazirgi ýaqytta ol vırýsqa qarsy "Alývııa" preparatyn qabyldap jatyr eken.

Sondaı-aq, dárigerdiń aıtýynsha, Jambyl oblysynyń Densaýlyq saqtaý basqarmasy dárigerlerdiń koronavırýs juqtyrǵanyn jasyryp otyr.

"Jambyl oblysy Densaýlyq saqtaý basqarmasynyń maskaǵa,vırýsqa qarsy dári-dármeke, saraptamalarǵa bólgen aqshasy qaıda? Nege koronavırýsqa saraptama jasalmaı jatyr? Jumys ornynda nege epıdemıologııalyq tergeý júrgizilmeıdi?", - deıdi dáriger.

Mınıstr Eljan Birtanov bul shaǵymǵa pikir bildirdi. Ol Taýarlar qaýipsizdigi men sapa baqylaý komıtetiniń basshysy Lıýdmıla Bıýrabekovaǵa osy máseleni sheshýdi tapsyrdy. Birtanov bul jaǵdaıdy jeke baqylaýǵa alǵanyn aıtyp ótti.

Pikirler