BAÝYRJAN SERIKBAEV: Karantın men kishkentaı ǵana vırýs talaı jyrtyǵymyzdy ashyp berdi

2798
Adyrna.kz Telegram

Qıyn kezeńder biraz jyrtyǵymyzdy ashyp berdi. Negizi burynnan biletin dúnıeler ǵoı. Biraq qazir kózimizge shuqyp, qolymyzǵa ustatyp kórsetip berdi.

1. "ıfrly Qazaqstan" dep mıllıardtaǵan teńge bólindi. Nátıjesi uıatqa qaldyrdy.

2. "Indýstrıaldy-ınnovaııalyq damý" dep biraz shýladyq. Munaı 20 dollarǵa jetkende ekonomıkanyń jaǵdaıy belgili boldy.

3. Lentasy kesilip zavod, fabrıka ashtyq. Biraq ekonomıkanyń ósýine yqpaly bolmady. Kóbisi jabylyp tyndy.

4. EKSPO dep jobamen 3 mlrd dollar jumsadyq. Soltústik óńirimiz áli kúnge 6 aı qysta kómir jaǵýmen keledi.

5. Bank sektory ár krızıs saıyn memleketten kómek alýdan basqany bilmedi.

6. 30 jylda naqty ónim óndiretin memleket bola almadyq.

7. Jemqorlyq balabaqshadan bastalyp, úlken qymetke deıin sharyqtap ketti.

8. Saýatty, básekeli saıası júıe ornata almadyq. Esi durys oppozıııa da joq. Kimge senerin bilmeı dal bolǵan qoǵamymyz bar.

9. Senim kredıti tómendep barady. Kúrdeli ekonomıkalyq sheshimder jasaýǵa qoǵamnyń kóńil-kúıi kótermeıdi.

10. 30 jyl ánshi, bıshi, sportshylardan juldyz jasadyq. Telearnany kúlki men arzan oıyn-saýyq qaptady. Nátıjesinde búgingi qoǵamdyq deńgeıdi aldyq.

Qazaqstanda tıimdi jumys istep turǵan, óz basym qyzmetine kóńilim tolatyn "Kaspi Gold" qana. Muny da kóp kórip talqandap tynbasa eken.

Negizi karantın men kishkentaı ǵana vırýs talaı jyrtyǵymyzdy ashyp berdi. Endi burynǵy jolǵa eshkimniń túskisi kelmeıdi. Sanada tóńkeris júrip jatyr. Ózgeris pen damý qajet. Tolqynnan tolqyn týyp, aldyńǵy tolqyndy yǵystyrar kez de keldi. Bir ózgeristiń keregi anyq. Prezıdentke qudaı qýat bersin. Qudaıdyń bir aty halyq degen. Halyqtyń qoldaýyn bersin. Alternatıva joq. Talaı jylǵy dúnıeni tazalaý, keri nátıjesi jan-jaqtan atqylap kórine bastaǵan zamanda bılikke kelý ońaı emes. Qıyn sharýa bir basynda.

Baýyrjan Serikbaev

Pikirler