Elımızdegı äleumettık jaǧynan eŋ az qorǧalǧan toptyŋ bırı – jurnalister.
Olar karantin jariialanǧan eldegı barlyq aqparatty üi körmei, tüz jailap, tabanynan tausylyp, ömırın qauıpke tıgıp, damylsyz jetkızıp jatyr.
Olar karantin jariialanǧan qalada, auylda, mekemede kameralary men noutbuktaryn arqalap jür, maskamen-maskasyz. Olar qauıpke toly qoǧamdyq oryndardan, köşe-alaŋdardan damylsyz habar berıp jatyr.
Olar özderınıŋ käsıbi jurnalistık qyzmetıne adal.
Söite tūra, olardyŋ būl memlekettegı qūqyqtarynan mındettemelerı köp bolyp tūr. Rūqsattarynan tyiymdary basym tüsıp jatyr.
Qazaqstandaǧy jurnalisterdıŋ qūqyqtyq, qauıpsızdık mümkındıkterı şekteulı. Äleumettık kepıldıkterı joqqa tän.
Aqiqaty osy!
Menıŋşe, bızdegı qūzyrly ministrlık, Ükımet pen Prezident Äkımşılıgı, tym qūryǧanda karantin uaqytynda, jurnalisterdıŋ jeke bas qauıpsızdıgın küşeituge, äleumettık jaǧdailaryn oŋaltuǧa köŋıl böluı tiıs.
Memlekettık, memlekettık emes būqaralyq aqparat qūraldarynyŋ qūryltaişylary men basşylaryna «karantin uaqytynda jurnalisterdıŋ eŋbek aqysyn köteru turaly» keşıktırmei pärmen berıluı tiıs.
p.s. Üide, teledidar men kompiuterdıŋ aldynda otyryp, ärıptesterım keşke şarşap-şaldyǧyp üilerıne qaitady-au dep oilanamyn.
Azyq-tülıkke aqşalary jetpese ne bolady? Auru jūqtyryp kelse şe?..
Talǧat Eşenūly
Ūqsas jaŋalyqtar
