Jýrnalıster toqaldan týǵan sııaqtymyz

14991

Elimizdegi áleýmettik jaǵynan eń az qorǵalǵan toptyń biri – jýrnalıster.
Olar karantın jarııalanǵan eldegi barlyq aqparatty úı kórmeı, túz jaılap, tabanynan taýsylyp, ómirin qaýipke tigip, damylsyz jetkizip jatyr.
Olar karantın jarııalanǵan qalada, aýylda, mekemede kameralary men noýtbýktaryn arqalap júr, maskamen-maskasyz. Olar qaýipke toly qoǵamdyq oryndardan, kóshe-alańdardan damylsyz habar berip jatyr.
Olar ózderiniń kásibı jýrnalıstik qyzmetine adal.
Sóıte tura, olardyń bul memlekettegi quqyqtarynan mindettemeleri kóp bolyp tur. Ruqsattarynan tyıymdary basym túsip jatyr.
Qazaqstandaǵy jýrnalısterdiń quqyqtyq, qaýipsizdik múmkindikteri shekteýli. Áleýmettik kepildikteri joqqa tán.
Aqıqaty osy!
Menińshe, bizdegi quzyrly mınıstrlik, Úkimet pen Prezıdent Ákimshiligi, tym quryǵanda karantın ýaqytynda, jýrnalısterdiń jeke bas qaýipsizdigin kúsheıtýge, áleýmettik jaǵdaılaryn ońaltýǵa kóńil bólýi tıis.
Memlekettik, memlekettik emes buqaralyq aqparat quraldarynyń quryltaıshylary men basshylaryna «karantın ýaqytynda jýrnalısterdiń eńbek aqysyn kóterý týraly» keshiktirmeı pármen berilýi tıis.

p.s. Úıde, teledıdar men kompıýterdiń aldynda otyryp, áriptesterim keshke sharshap-shaldyǵyp úılerine qaıtady-aý dep oılanamyn.
Azyq-túlikke aqshalary jetpese ne bolady? Aýrý juqtyryp kelse she?..

 

Talǵat Eshenuly

Pikirler
Uqsas jańalyqtar