Qytaıda koronavırýs juqtyrǵan naýqastardyń 90%-y aýrýynan aıyqty. Bul týraly RIA Novostı habarlady.
Qazir Qytaıda 5120 adam naýqastanyp jatyr. Sońǵy derekterge súıensek, Qytaıda jalpy koronavırýsqa shaldyqqandar sany 81 myń adamǵa jetti. Onyń 72,7 myńy aýrýhanadan jazylyp shyqqan.
Epıdemııa bastalǵaly Hýbeı provınııasyn qospaǵanda Qytaıda 13 293 adamnyń aýrýǵa shaldyqqany, 117 naýqastyń kóz jumǵany belgili boldy. Ólim-jitim deńgeıi 0,88 paıyzdy qurady.
Aýrý oshaǵyna alǵan Hýbeıde 67800 adam vırýs juqtyrdy, onyń 3153-i qaıtys boldy. Ólim-jitim deńgeıi 4,65 paıyzdy qurady.
Budan bólek, Shanhaı bıligi COVID-19 vırýsyna baılanysty jarııalanǵan Tótenshe jaǵdaıdyń eń joǵarǵy deńgeıin tómendetti.
Aıta keteıik, Qazaqstanda koronavırýs juqtyrǵandar sany 60 adamǵa jetti. Onyń ishinde Nur-Sultanda – 31, Almatyda – 25, Qaraǵandyda – 2, Almaty oblysynda - 1 jáne Aqtóbe oblysynda 1 jaǵdaı tirkeldi.
