Bul joba — qazaq aqyndarynyń óleńderin jattaý saıysy. Abaıdan bastap, Shákárim, Mahambet, Muqaǵalı taǵy da basqa tanymal aqyndardyń óleńderi toptastyrylǵan. Saıysqa qatysýshy barlyq óleńdi jatqa bilýi tıis. Jas mólsherine shekteý joq. Jeńimpaz 2020 jyldyń maýsym aıynda ShQO, Aqsýat aýylynda uıymdastyrylatyn «Óner jáne sport festıvalinde» belgili bolady.

Uıymdastyrýshylar bas júldege avtokólik syılamaq. Toptastyrylǵan óleńder jınaǵyn 100 óleń siltemesin basý arqyly júkteı alasyzdar!

Bul baıqaý týraly "Assyltas" qoǵamdyq qorynyń jetekshisi Raýan Oqas ár túrli shyǵarmashylyq baıqaýlar óziniń laıyqty baǵasyn almaı júr deıdi.

"Osy kúnge deıin Abaı, Mahambet, Muqaǵalı, Oralhan Bókeı atyndaǵy oqýlardyń ótkenin bilemin. Shyny kerek qatysýshylardyń eńbegi tıisti deńgeıde baǵalanbaı júr dep tolyq aıta alamyn. Biz Abaıdyń 175 jyldyǵy qarsańynda "100 óleń" jobasyn júzege asyrmaqpyz. Maqsatymyz kórkem sóz oqýshylardy qoldaý. Kez-kelgen adam bul baıqaýǵa qatysa alady. Jas mólsherine shekteý joq. Ol úshin biz toptastyrǵan 100 óleńdi jatqa bilýi tıis. Bas júldege avtokólik syılaımyz" deıdi Raýan Oqas.

"Adyrna" ulttyq portaly