Qazaqstan Respýblıkasy Táýelsizdiginiń 25 jyldyǵyna oraı, Shyǵys Qazaqstan oblysy, Aıagóz aýdanynyń Naryn aýyldyq okrýginde Shyńqoja batyrǵa arnalǵan eskertkishtiń saltanatty ashylýy ótti.
Shyńqoja batyr Bazarqululy (1706 qazirgi Shyǵys Qazaqstan oblysy Aıagóz aýdany) – aǵa batyr. Shyńqoja batyr - naıman ishindegi qarakereı rýynyń týma tarmaǵynan shyqqan. 1727 j. Bulanty-Bileýti shaıqasynda jeke erligimen kózge túsip, jas batyr atanǵan. 1730 j. Ańyraqaı-Alakól shaıqasyna, 1741 j. Shyńǵystaýdaǵy Shaǵan shaıqasyna qatysyp, týma, toqpaq, baıǵana rýlarynan quralǵan jasaqqa basshylyq etken. 1752 – 1754 j. Jetisý, Altaı, Tarbaǵataı óńirlerin jońǵarlardan azat etý joryqtarynda daryndy qolbasshy retinde el qurmetine bólendi.
Shynqojanyń batyr ataǵy alǵash shyqqany – Jonǵardyń «Aıýqara» atanǵan Doba degen batyrymen jekpe-jekke shyǵyp, ony óltirgen kezi, ol kezde batyr 21 jasta eken. Osyndan bastap talaı shaıqastarda eren erligimen kózge túsken batyrdyń dańqy el arasyna ketedi. Qazaq-qyrǵyz arasynda bolǵan qaqtyǵysta Shyńqoja qorshaýda qalyp, óz barmaǵyn qylyshpen shaýyp orap, saý qalǵan batyrlarǵa qazaq jerinde kómýge amanat retinde tapsyrǵan, ózi sol "Jaıyl qyrǵyny” dep atalǵan shaıqasta erlikpen qaza tabady. Shyńqojanyń denesi qaı jerde jerlengeni belgisiz, al barmaǵy osy Shynqoja aýylynda Naryn ózenniń boıyndaǵy tóbege kómilgen.
Shynǵoja batyr eskertkishi Aıakóz aýdanynyń Shynǵoja aýylynda, Almaty - Óskemen avtomobıl joly boıynda ornalasqan. Shynǵoja aýylynyń aty da – batyrdyń esimimen tikeleı baılanysty. Qazaqtyń has batyry Shyńqoja Bazarqululynyń eskertkishin saltanatty ashylýyna baılanysty Naryn aýyldyq okrýginiń mádenıet úıinde «Shyńqoja batyr jáne Aıagóz óńiriniń ádebı- mádenı shejiresi» taqyrybynda konferenııa ótti. Aıagóz qalasynyń ıppodromynda qazaq úıler tigilip, quran baǵyshtap (as berilip), qazaqtyń ulttyq oıyndary aýdaryspaq, teńge alý, qyz qýý, qazaq kúresi, toǵyz qumalaq jáne úsh sanatta at jarysy, qusbegilik, jamby atý oıyndary ótti.
