Oba üiındısınıŋ ortasyndaǧy negızgı qabır şūŋqyrynyŋ şetıne qoiylǧan üşınşı jauyngerdıŋ qoramsaǧynan 184 qola jebeler tabyldy...
Biylǧy dalalyq mausymda Qazaqstan Respublikasy Ūlttyq muzeiınıŋ «Halyq qazynasy» ǧylymi-zertteu instituty elımız boiynşa är tarihi kezeŋderdı qamtityn onnan astam nysanda arheologiialyq zertteu jūmystaryn jürgızude.
Kezektı zertteulerdıŋ bırı – Aqtöbe oblysynyŋ Qobda audanynda ornalasqan j.s.d. VI–V ǧǧ. jatatyn Törtoba jerleu-ǧūryptyq keşenınde jalǧasty. Būl keşendegı biylǧy atqarylǧan jūmystar men alynǧan maǧlūmattar turaly ekspedisiia jetekşısı, tarih ǧylymdarynyŋ kandidaty Aqan Oŋǧarūly qysqaşa baiandaidy.
«Savromattyq jergılıktı bilık äuletı ökılınıŋ qūrmetıne salynǧan Törtoba jerleu-ǧūryptyq keşenındegı zertteu jūmystary 2011 jyldan bastalǧan-dy. Bes jyldyq keşendı zertteuler barysynda eskertkıştıŋ ainalasynan är tarihi kezeŋnıŋ 7 jerleu orny men 2 ǧūryptyq räsımderatqarǧan nysandar zerttelındı. Irı arhitekturalyq eskertkış sanalatyn diametrı 50 m, biıktıgı 4,7 m topyraq üiındılı obada qūrylystyŋ salynu kezeŋderın anyqtauǧa bailanysty qazba jūmystaryn jürgızu barysynda biyl ekı jauyngerdıŋ tonalmaǧan jerleu orny aşyldy».
«Būl jerleuler negızgı eskertkış tūrǧyzylǧannan bırneşe jüz jyldan keiın jasalynǧan. «Er quaty – qaruy» degendei, ekı jauynger atu qaruy – oqqa toly qoramsaqty sadaqpen (sadaqtyŋ tek ızı saqtalynǧan), tüireu qaruy – temır ūşty naizasymen jäne kesu qaruy – qylyş, qanjarymen bırge jerlengen. Oba üiındısınıŋ ortasyndaǧy negızgı qabır şūŋqyrynyŋ şetıne qoiylǧan üşınşı jauyngerdıŋ qoramsaǧynan 184 qola jebeler tabyldy...», - deidı A.Oŋǧarūly
"Qazaqstan tarihy"