Ol jaqtyń adamdary jalpy sondaı rýhty, qaısar, ójet bolyp keledi. Men keıde tap osy shaǵyn Torǵaıdan Erjan Turǵymbaı, Ermek Narymbaı jáne osy Dýlattaı belgili oppozıııa ókilderiniń kóptep shyqqandyǵyna tańǵalatynmyn.
Menińshe, torǵaılyqtar ozbyrlyqqa, ádiletsizdikke tózbeıtin, ádildik izdep shyrqyrap turatyn sezimtal halyq, tabıǵattary sondaı sııaqty.
Baıaǵyda han Kene handyq quramyn dep atqa qonǵanda, osy Torǵaı óńiri ony eń alǵash qyzý qoldap shyqqan óńir bopty. Osy óńirden shyqqan Shákir batyr, Iman batyr (Amangeldiniń atasy) Kene hannyń beldi batyrlarynyń biri bopty.
Odan keıingileri Amangeldi men Keıki mergen. Ony da bilesizder.
Jáne bularda, bir aıta keterligi, eki torǵaılyqtyń bireýi apaıtós palýan nemese ánshi - kúıshi, ózderi keremet ónerli halyq bolady.
Ia bolmasa aqyn - jazýshy. Bizdiń ákemiz de sondaı Torǵaıdyń bir maqtanyshy - halyq aqyny Qonysbaı Ábil bolady.
Ol kisilerdiń túbi Torǵaıdyń Kókalat aýylynan, ol aýyldan taǵy Tólen Ábdik, Qoıshyǵara Salǵarındeı qazaqtyń zııaly jampozdary shyqqan.
Ol óńirden men tanymaıtyn, al ózderi kádimgideı maqtan tutatyn daryndy kisiler qanshama.
Ony kezinde úıdegi úlkenderdiń áńgimesinen baıqap otyratynmyn.
Torǵaıdyń ar jaǵyn aıtsaq Alashtyń zııalylary Ahmet pen Mirjaqypqa ketemiz.
Dýlat sondaı ortadan shyqqan er edi. Ol naǵyz Torǵaıdyń qaıtpas qaısar oǵlany bolatyn, al qazir kúlli qazaqtyń batyry atandy. Zaty - aqty aq, qarany qara dep bylsh etkizip betińe aıtyp qarap turatyn adamdar qatarynan edi.
Dýlattyń aýyly Albarbóget aýyly eken, ol sol Kókalat, Qyzbel degen Torǵaıdyń negizgi aýyldarynyń biri, bir birine jaqyn.
Osy Dýlat túp tamyrymen tipti ózime aǵa bolyp shyǵýy da múmkin dep te shamalaımyn.
Qalaı desek te onyń qazasy qoǵamymyzdy dúr silkindirgen aýyr qaza boldy.
Onyń saldary áli de jalǵasady, oǵan men bek senimdimin, onyń arty myna júıe úshin óte jaman bolady dep te jobalap otyrmyn. Óte jaman.
Al ór Dýlat, er Dýlat aǵamyzdy endi qaıtara almasymyz anyq. Onyń qamkóńil úı - ishi januıasyna, azamattyń artynyń qaıyryn bersin, esil erdiń jany peıishten bolsyn dep kóńil aıtqym keledi. Imandy bol batyr, bizdiń álsizdigimizdi keshire gór.
