Almatydaǵy «Temirqazyq» baspa úıinde túriktaný semınarynda sýretshi, qazaq oıý-órnekterin zertteýshi Erlan Qojabaevpen kezdesý boldy. Eki aptada bir ótip turatyn túriktaný semınar túriktanýshy ǵalymdar Hákim Omar men Erbol Qurmanbaevtyń, kásipker Sáken Orynbekuly Seıfýllınniń bastamasymen júzege asqan edi. Búginde onda túriktaný taqyryby boıynsha túrli sala mamandaryna oryn berilip, tarıh-etnografııa máseleleri tóńireginde ashyq pikir-talas alańyna aınaldyp otyr.
Semınardyń keıingi kezdesýinde sýretshi Erlan Qojabaev óziniń «Qazaq oıýlary» («Qazaq oıýlary táńirshildik mádenıetiniń pıktogrammalary... ») atty taqyryptaǵy dárisi óte qyzyqty ótti. Qazaq oıýlarynyń shýmerler mádenıetimen, saq, ǵun, kóne túrik qolónerimen tikeleı astasyp, sabaqtasyp jatqandyǵy sóz boldy. Sýretshi 1940-shy jylǵa deıin oıý-órnekterdiń óziniń tabıǵı bolmysyn saqtap kelse, 1950-60 jyldardan bastap baıyrǵy qalyptasqan úlgisin, tól bolmysyn joıa bastaǵandyǵyn sóz etti. Erlan Qojabaev qazaq oıýlaryn muraǵattardan, mýzeılerden, tarıhı orta ǵasyrlyq keshenderden (Qarahan baba, Aısha bıbi, Qoja Ahmet Iasaýı keseneleri) alyp, qalpyn buzbaı qaıta jańǵyrtyp, óz qolymen salyp, búgingi sýretshi-dızaınerlerge qalaı qoldaný kerektigin kórsetýge tyrysqan. Sýretshiniń Almatydaǵy «Mektep» baspasynan albom kitaby 7 000 teńge turady. Árbir tarıhı foto men paıdalanylǵan materıaldarǵa avtor silteme jasaǵan. Kitaptyń ǵylymı-sıpattamalyq, mazmundyq-semanıtkalyq jaǵyna ónertanýshy Bek Ybyraev, túriktanýshy Nápil Bazylhan tárizdi ǵalymdar kóp kómegin kórsetken.
Arman SERIKULY
