22 aqpanda azamattardy "zańsyz mıtıngige" shyqpaýǵa shaqyryp, eskertý jasaǵan Qazaqstan bas prokýratýrasy juma kúni taǵy málimdeme jasady. Onda vedomstvo shetelde turatyn oppozıııalyq saıasatker Muhtar Áblıazovti qaralap, ol shaqyrǵan mıtıngige qatyspaýǵa keńes bergen.
Málimdemede bas prokýratýra Áblıazovti "qoǵamǵa iritki salyp júrgen qylmysker", "eldegi iri oqıǵalardy jeke múddesine paıdalanǵysy keletin qylmystyq jaýapkershilikten qashyp júrgen" adam retinde sıpattaıdy. Vedomstvo adamdardy "arandatýǵa iligip ketpeı, zańsyz akııalarǵa qatysýdan bas tartýǵa" shaqyrady.
Qazaqstan bıligin synaýshy, shetelde turatyn oppozıııalyq saıasatker Muhtar Áblıazov jaqtastaryn mıtıngige shaqyrǵan saıyn bas prokýratýra azamattarǵa eskertý jasap, "zańsyz mıtıngige qatysqandar" ákimshilik jazaǵa tartylady dep málimdeýmen keledi. Áblıazov qurǵan "Qazaqstannyń demokratııalyq tańdaýy" qozǵalysy 2018 jyly elde "ekstremıstik uıym" dep tanylyp, qyzmetine tyıym salynǵan. Al Áblıazov Qazaqstan sotynyń sheshimimen kelispeıdi. Eýroparlament 2019 jylǵy naýryzdaǵy rezolıýııasynda QDT-ny "beıbit oppozıııalyq qozǵalys" dep ataǵan.
Keıbir quqyq qorǵaýshylardyń aıtýynsha, yqtımal mıtıng qarsańynda Qazaqstanda belsendilerdiń qamalyp, mıtıng bolady dep belgilengen oryndardyń qorshaýǵa alynatyny ádetke aınalǵan. Bul joly da Qazaqstannyń túrli aımaǵynda jıyrmadan astam belsendi (keıbir belsendiler budan da kóp bolýy múmkin deıdi) qamaldy.
Muhtar Áblıazovqa Qazaqstanda "aqsha jymqyrý", "qylmystyq top qurý", "adam óltirýdi uıymdastyrý" sııaqty birneshe aýyr baptar boıynsha aıyp taǵylyp, eki ret syrttaı sottaldy. Áblıazov Qazaqstan bıligi taqqan aıyptyń bárin joqqa shyǵaryp, "bılikke oppozıııa bolǵanym úshin ósh alǵysy keledi" dep sıpattaıdy.
Oqı otyryńyz: Syrttaı sottaýdyń qazaqstandyq "dástúri"
Qazaqstanda halyq qandaı da bir beıbit sherý, mıtıngige shyǵatyn bolsa, jergilikti ákimdikten aldyn ala ruqsat alýy tıis. Bılik ruqsat berilmegen mıtınginiń bárin "zańsyz" dep taýyp, qatysýshylaryn ustaıdy jáne jaýapqa tartady.
Halyqaralyq qaýymdastyq Qazaqstan bıliginen "Beıbit mıtıng zańyn" qaıta qarap, halyqqa óz oıyn erkin aıtýǵa kedergi keltirmeýdi talap etip keledi.
"Azattyq" radıosy
