Däuren Abaev: Elbasynyŋ nemeresı turaly jazbalar jazasyz qalmaidy

Abaev Elbasynyŋ nemeresı turaly maqalalar üşın jazalau turaly: sūraq New York Times-ke qatysty bolmauy mümkın QR Tūŋǧyş Prezidentı Nūrsūltan Nazarbaevtyŋ nemeresı – Aisūltan Nazarbaevtyŋ jazbalary turaly aqparattyŋ jariialanuy jazasyz qalmaityndyǧy turaly mälımdeme amerikandyq New York Times basylymyna qatysty bolmauy da mümkın, dep mälımdedı QR Aqparat jäne qoǧamdyq damu ministrı Däuren Abaev. «Būl jerdegı mäsele tek qūqyqtyq tūrǧydan ǧana emes, sonymen bırge, moraldyq tūrǧydan da däleldeumen bailanysty. Iаǧni, jeke adamdar jetkızuge tyrysap jatqan närselerden görı būl jaǧdaiǧa äldeqaida tereŋırek üŋılu kerek. Ädeiı jalǧan aqparat taratu, azamattardyŋ oiyn manipuliasiialau – būnyŋ barlyǧy press-relizde körsetılgen mäseleler bolyp sanalady», - dedı Abaev QazTAG-tıŋ Elbasynyŋ nemeresınıŋ jelıdegı jazbalaryna qatysty jariialanǧan aqparatty qalai «jazasyz qaldyrmaǧany» turaly qoiylǧan sūraǧyna jauap bere otyryp. Alaida ol jaza qoldanylatyn negızge alynǧaly otyrǧan naqty bap pen normativtık aktını atai almady. «Mamandar kömegıne jügınu kerek. Eger sız maǧan naqtylap aitsaŋyz, men sızdıŋ sūraǧyŋyzǧa jauap beremın. Mūny zaŋ tūrǧysynan qarastyru kerek. Bız jäne ony qarastyryp jatyrmyz. Men qaradym, bıraq men sız sūrap otyrǧan naqty baptyŋ sıltemesın keiınırek bere alamyn», - dedı ministr. New York Times, The Times jäne basqa da ırı şeteldık būqaralyq aqparat qūraldarynda osy taqyryptaǧy jariialanymdardy qalai «jazasyz qaldyrmaityny» turaly sūraqqa Abaev būl mälımdemenıŋ olarǧa qoldanylmauy mümkın dep jauap berdı. «Mūny da qarau kerek şyǧar. Sız būl mäselenıŋ naqty New York Times gazetıne qatysty aitylmaǧan boluy mümkın ekenın de tüsınıp otyrsyz», - dedı Abaev. Esterŋızde bolsa, 13 aqpandaǧy soŋǧy jazbasynda Aisūltan Nazarbaev Ūlybritaniiadan saiasi baspana sūrady. Sondai-aq, ol qolynda «Resei men Qazaqstan ükımetı arasyndaǧy asa auqymdy sybailas jemqorlyq turaly aqparat bar» ekendıgın, Tūŋǧyş Prezident pen onyŋ qyzyn da, Elbasy otbasynyŋ basqa da müşelerınıŋ terıs äreketterın äşkereleitın basqa da mälımetterdı jariialady. Aisūltan Nazarbaevtyŋ aşyq mälımdemelerı būqaralyq aqparat qūraldarynda keŋınen ataratyldy – AQDM töraǧasy Abaev būl basylymdar jazasyz qalmaidy dep ses körsettı. Alaida, QR Aqparat jäne kommunikasiialar ministrınıŋ eskertuıne qaramastan, tūŋǧyş prezidenttıŋ nemeresınıŋ sözderın älemnıŋ jetekşı basylymdary, sonyŋ ışınde The New York Times, The Times, Reuters, RBK, Kommersant, Ukrainalyq Unian, Belarus, Ukrain, İtalian jäne basqa älemdık būqaralyq aqparat qūraldary jarysa jariialauda.