Abaev Elbasynyń nemeresi týraly maqalalar úshin jazalaý týraly: suraq New York Times-ke qatysty bolmaýy múmkin
QR Tuńǵysh Prezıdenti Nursultan Nazarbaevtyń nemeresi – Aısultan Nazarbaevtyń jazbalary týraly aqparattyń jarııalanýy jazasyz qalmaıtyndyǵy týraly málimdeme amerıkandyq New York Times basylymyna qatysty bolmaýy da múmkin, dep málimdedi QR Aqparat jáne qoǵamdyq damý mınıstri Dáýren Abaev.
«Bul jerdegi másele tek quqyqtyq turǵydan ǵana emes, sonymen birge, moraldyq turǵydan da dáleldeýmen baılanysty. Iaǵnı, jeke adamdar jetkizýge tyrysap jatqan nárselerden góri bul jaǵdaıǵa áldeqaıda tereńirek úńilý kerek. Ádeıi jalǵan aqparat taratý, azamattardyń oıyn manıpýlıaııalaý – bunyń barlyǵy press-relızde kórsetilgen máseleler bolyp sanalady», - dedi Abaev QazTAG-tiń Elbasynyń nemeresiniń jelidegi jazbalaryna qatysty jarııalanǵan aqparatty qalaı «jazasyz qaldyrmaǵany» týraly qoıylǵan suraǵyna jaýap bere otyryp.
Alaıda ol jaza qoldanylatyn negizge alynǵaly otyrǵan naqty bap pen normatıvtik aktini ataı almady.
«Mamandar kómegine júginý kerek. Eger siz maǵan naqtylap aıtsańyz, men sizdiń suraǵyńyzǵa jaýap beremin. Muny zań turǵysynan qarastyrý kerek. Biz jáne ony qarastyryp jatyrmyz. Men qaradym, biraq men siz surap otyrǵan naqty baptyń siltemesin keıinirek bere alamyn», - dedi mınıstr.
New York Times, The Times jáne basqa da iri sheteldik buqaralyq aqparat quraldarynda osy taqyryptaǵy jarııalanymdardy qalaı «jazasyz qaldyrmaıtyny» týraly suraqqa Abaev bul málimdemeniń olarǵa qoldanylmaýy múmkin dep jaýap berdi.
«Muny da qaraý kerek shyǵar. Siz bul máseleniń naqty New York Times gazetine qatysty aıtylmaǵan bolýy múmkin ekenin de túsinip otyrsyz», - dedi Abaev.
Esterńizde bolsa, 13 aqpandaǵy sońǵy jazbasynda Aısultan Nazarbaev Ulybrıtanııadan saıası baspana surady. Sondaı-aq, ol qolynda «Reseı men Qazaqstan úkimeti arasyndaǵy asa aýqymdy sybaılas jemqorlyq týraly aqparat bar» ekendigin, Tuńǵysh Prezıdent pen onyń qyzyn da, Elbasy otbasynyń basqa da músheleriniń teris áreketterin áshkereleıtin basqa da málimetterdi jarııalady. Aısultan Nazarbaevtyń ashyq málimdemeleri buqaralyq aqparat quraldarynda keńinen ataratyldy – AQDM tóraǵasy Abaev bul basylymdar jazasyz qalmaıdy dep ses kórsetti. Alaıda, QR Aqparat jáne kommýnıkaııalar mınıstriniń eskertýine qaramastan, tuńǵysh prezıdenttiń nemeresiniń sózderin álemniń jetekshi basylymdary, sonyń ishinde The New York Times, The Times, Reuters, RBK, Kommersant, Ýkraınalyq Unian, Belarýs, Ýkraın, Italıan jáne basqa álemdik buqaralyq aqparat quraldary jarysa jarııalaýda.
