Qazaqstan Respýblıkasy Ulttyq mýzeıinde I.Imanov pen O.Mazbaevtyń «Uly Shoqannyń kerýen joly» kitabynyń tanystyrylymy ótti, dep habarlaıdy kazmuseum.kz tilshisi Qazaqstan Respýblıkasy Ulttyq mýzeıiniń aqparattyq-ımıdjdik qyzmetine silteme jasap.
Kitap avtory, professor Ordenbek Mazbaev jańa týyndy jaıly óz pikirin bildirdi.
«Uly Shoqannyń kerýen joly» degen kitap Shoqan júrip ótken joldarmen ekspedıııa jasap qaıtqan soń jazyldy. Ekspedıııa Shoqan Ýálıhanovtyń 180 jyldyǵyna jáne Qashqar saıahatyna 150 jyl tolýyna oraı uıymdastyrylǵan bolatyn. Bul jolǵy ekspedıııa kólikpen de jaıaý da júrip, Shoqan júrgen jerlerdi aralap shyqty. Ekspedıııa quramynda ǵalymdar men Qazaq ulttyq geografııalyq qoǵamdyq birlestiginiń músheleri boldy» – dedi O.Mazbaev.
Kitap Qazaq ulttyq geografııalyq qoǵamynyń 2014 jylǵy 24 shilde jáne 5 tamyz aralyǵynda QHR jáne Qyrǵyzstan terrıtorııalary arqyly ótken «Shoqan Ýálıhanovtyń kerýen joly boıynsha» atty alǵashqy halyqaralyq ekspedıııasyna arnalǵan. Atalmysh ekspedıııa sońǵy segiz jyl ishinde júzege asyrylǵan «Shoqan joldarymen» atty ekspedıııalar serııasynyń sońǵy sapary bolyp sanalady. Ekspedıııaǵa qatysýshylar Shoqan Ýálıhanov júrip ótken jerlerge (Qyrǵyzstan, Jetisý, Qulja) saıahat jasady.
«Shoqan biz úshin qubylys. Shoqan týraly buǵan deıin de zertteldi. Qazir de jazylyp jatyr. Biraq ol azdyq etedi. Máselen Abaı men Shoqan kezdesipti degen sóz bar. Biraq ol týraly eshkim zerttegen joq. Ekinshi másele, orystar Pýshkınniń árbir kúniniń qalaı ótkizgenin jazady. Bizde sol sııaqty Shoqannyń árbir kúnin qalaı ótkizgenin jaıly jazýymyz qajet», – dedi QR mádenıet qaıratkeri, prfessor, Baqytjan Tobaıaqov.
Kitap qazaqtyń uly ǵalymy jáne aǵartýshysy – Sh.Ýálıhanovtyń 180 jyldyq mereıtoıyna oraılastyrylyp shyǵaryldy. Ekspedıııa músheleriniń jeke jáne tikeleı saıahat barysynda alǵan áserleri negizinde jazylǵan eńbek jalpy kópshilik oqyrmanǵa arnalǵan.
KAZMUSEUM.KZ
