Qazaqstandyqtar toılardy attap basqan saıyn aldyńnan shyǵatyn keremet meıramhanalarda jasap keledi. Al Anglıada jaz kezinde úılený toılaryn arnaıy dızaınerlik kıiz úılerde atap ótý sánge aınalǵan. 
Bul týraly stan.kz yvision.kz saıtyna silteme jasaı otyryp habarlaıdy.
“Biz seriktesim ekeýmiz kıiz úıdi óte qatty unatamyz. Óıtkeni, yńǵaıly konstrýkııasynyń arqasynda ony kez-kelgen jerge ornatýǵa bolady. Ol óte ádemi, erekshe obrazdaǵy úı. Kıiz úı bas qosyp jatqan eki jasqa da tamasha áser syılaıdy”, – deıdi Lızzı esimdi “Toıǵa arnalǵan kıiz úıler” bıznes-jobasynyń avtory.
Kompanııa klıentterge kıiz úıdi ózderi jetkizip, ony quryp,tolyqtaı daıyn qylyp beredi. Sondyqtan da tapsyrys berýshilerdiń alańdaýyna esh negiz joq. Kıiz úı birneshe saǵattyń ishinde jyldam jınalady. Buryn kóshpendi halyqtardyń arasynda bul sharýamen áıelder men balalar aınalysyp, nebári 1,5-2 saǵattyń ishinde jınaı alǵan. 
Úılený toıyna arnaıy ázirlengen kıiz úıler Ýels sheberleriniń qolynan shyǵypty. Materıal retinde jergilikti ormandardaǵy shyryndy talshan aǵashy qoldanylǵan.
Úılenýge arnalǵan bul úıler dástúrli aq nemese ashyq tústi zattarmen sándeledi. Kóshpendiler de tazalyq pen gúldenýdiń belgisi sanalatyn bul tús úılenýge arnalǵan kıiz úılerdiń de ajaryn asha túsedi. Merekelik kıiz úıdi ártúrli fantazııamen sándep, bezendirýge bolady.
Sonymen qatar kıiz úı keshenine – qatty emennen jasalǵan eden, qoldan jasalǵan jıhazdar jáne barlyq formattaǵy bezendirý buıymdary kiredi.
Anglıadaǵy eń iri ıvent-agenttikke tıesili eń úlken kıiz úı 90-ǵa jýyq qonaqqa arnalǵan. Bul aǵylshyn toıy úshin jetkilikti. Árıne, adam kóbeıip ketken jaǵdaıda, olar taǵy birneshe kıiz úıge tapsyrys bere alady. Kıiz úı toı ıeleri men toı qonaqtaryna qaıtalanbas áser men erekshe atmosfera syılaıdy. 
Túngi ýaqytta juldyzdy aspanmen úndesken kıiz úı tipten romantıkaǵa toly bolyp kórinedi. 
Kıiz úıde ótkizilip jatqan úılený toılary Ulybrıtanııa men Kanadada úlken suranysta. Kıiz úıdi jalǵa alý quny 3-5 myń aǵylshyn fýnt sterlıngi shamasynda. Kóshpendilerdiń kolorıtin túgeldeı derlik aǵylshyn toılaryna beıimdeý uıymdastyrý agenttikteriniń maqsaty emes. Olar tek kıiz úıdiń túpki negizi men konstrýkııasyn ǵana alǵan. Osylaısha ejelgi kóshpendilerdiń negizgi baspanasy bolǵan, qazaq halqynyń brendi ispetti kıiz úı, kúlli álem arhıtektorlary men dızaınerleriniń yqylasyn arttyryp otyr.
Stan.kz
