Ýhannnan shyqqan Covid-19 koronavırýsy qarqyndy taraýyn toqtatpasa álem halqynyń 60 paıyzyna juǵyp, 45 mıllıonnan asa adamnyń ómirin qııýy múmkin. Osyndaı málimdemeni Gonkongtyń bas epıdemıology, professor Gabrıel Lıýn jasady, - dep habarlaıdy The Guardian.
Taıaýda Dúnıejúzilik densaýlyq saqtaý uıymynyń basshysy Tedros Adhanom Gebreıýs koronavırýstyń Qytaıdan tys jerde taraýynyń búgingi jaǵdaıy "muztaýdyń basy". Ol barlyq elde vırýstyń taralýy yqtımaldyǵyna daıyndalý úshin bar múmkindikti paıdalanýǵa shaqyrdy.
Gonkong professorynyń aıtýynsha, qazirgi basty másele - sol "muztaýdyń" ólshemi men kólemin anyqtaý. "álem halqynyń 60 paıyzy - tym kóp", - dep málimdedi Lıýn.
Koronavırýstan ólim-jitim 1 paıyz bolǵannyń ózinde, Gabrıel Lıýnniń aıtýynsha, bul ondaǵa mıllıon adamnyń ómiri. Búginde Jer betinde 7,57 mıllıard adam bar, koronavırýs kem degende 4,5 mıllıard adamǵa juǵýy múmkin, ólim-jitim 1 paıyz bolǵannyń ózinde bul 45 mıllıon adamnyń ómirin qııady degen sóz.
Sońǵy málimetter boıynsha, koronavırýsty álemde 60 386 adam juqtyrǵan, 1370 adam qaza bolǵan, 6 myńǵa jýyǵy aıyqqan.
Euronews habaryna qaraǵanda, epıdemııanyń sharyqtaý sheginen adamzat áli ótpegen, Covid-19 taraý jaǵdaıy aldaǵy ýaqytta tek ósim kórsetedi. Epıdemııa bastalǵan Ýhanda komendant saǵaty jarııalanǵan.
