Qordaida bolǧan qaqtyǧysqa bailanysty halyqtyŋ arasynda qyzu pıkırtalas älı de basylar emes. Osy qaqtyǧysty paidalanyp būqarany odan ärı arandatuǧa jol berıp otyrǧandar da bar.
Degenmen, baqsaq jaǧdai basqaşa eken demekşı, jergılıktı tūrǧyndardyŋ bergen sūhbatynan būl qaqtyǧystyŋ bır künde būrq ete qalmaǧanyn baiqaimyz. Mäselen, 7 aqpan künı soqqyǧa jyǧylyp, düŋgenderden taiaq jegen aqsaqaldyŋ ūlynyŋ bergen sūhbatyna jäne jergılıktı tūrǧyndardyŋ pıkırıne jügınsek, düŋgender tıptı zaŋǧa da baǧynbai ketken.
"Bızdı ūrǧandardy polisiia sol künı bosatyp jıberdı. Artynan "bıleiın" dep baryp sūradym. Bosatyp jıbergen. Olardy zaŋ būzyp ūstalsa bırden bosatady. Al bızdı jazalaidy. Düŋgender zaŋǧa baǧynbaidy. Būǧan deiın de qanşama jaittar boldy. Olar qūtylyp kete beredı. Olar "jyndy" degen anyqtama alyp alady. Būǧan qosa ajyrasyp kettı, jalǧyzbasty ana degen anyqtamalar alyp alady. Sosyn memleketten berıletın järdemaqyny solar alady. Al şyndap kelgende olar otbasymen bırge tūrady. Būl arada zaŋsyzdyq köp",-deidı soqqyǧa jyǧylǧan aqsaqaldyŋ ūly.
Sondai-aq jergılıktı tūrǧyndar "Olar jer senderdıkı bilık bızdıkı degendı de aitady. Mektepte sabaq üstınde 10-11 synyp oqityn düŋgen balalary "bızge qazaq tılı kerek emes, qazaq tılın oqymaimyz, özımızdıŋ tılımız kerek, matematika kerek boldy" dep aitady. Olar zaŋǧa baǧynbaidy. Bıraq sütten aq sudan taza bolyp otyrady" deidı.
"Adyrna" ūlttyq portaly
https://youtu.be/FhO8PR35QdI
