Ötken tünde Jambyl oblysynyŋ Qordai audanynda qūqyqtyq tärtıptı būzu faktılerı tırkelgen joq. Jaǧdai tūraqtaldy, auyldyqtardyŋ ömırı qalypty arnasyna tüsude. Būl turaly primeminister.kz habarlaidy.
Ükımet komissiiasy jūmysynyŋ ekınşı künın auyldar men şekara maŋy ötkızu punktterın aralaudan bastady.
«Qarasu» şekara beketınde adamdar joq, al Qyrǧyzstannan kelgen adamdar kezegı «Auqatty» punktınde paida bolǧan. Būlar - osyǧan deiın körşıles respublikaǧa ketıp qalyp, endı üilerıne oralyp jatqan qazaqstandyqtar. Olardyŋ ışınde äielder men balalar köp.
Berdıbek Saparbaev otandastarymyzdan sabyrlyq saqtap, arandatulardyŋ yqpalynda ketpeudı sūrady.
«Sızderden arandatularǧa ermeudı sūraimyz. Būzylǧan barlyq üilerdı bız qalpyna keltıremız, otbasylarǧa kömek körsetemız. Bızdıŋ mamandar jūmys ıstep jatyr, zalaldy baǧalauda. Bızdıŋ barlyǧyŋyzǧa taǧy aitarymyz, ketıp qalǧan, qazır Qyrǧyzstanda öz tuystaryn panalap jatqan jaqyn-juyqtaryŋyzǧa elge qaitu kerektıgın jetkızseŋızder», - dedı B. Saparbaev ötkızu punktınde jinalǧan qauymǧa.
B. Saparbaev audandaǧy jaǧdaidyŋ tūraqtalǧanyna sendırıp:
«Prezident tapsyrmasy boiynşa mūnda arnaiy Ükımet komissiiasy keldı, onyŋ qūramynda memlekettık jäne qūqyq qorǧau organdarynyŋ basşylary bar. Ötken täulıkte eşqandai oqiǧa da, qūqyq būzuşylyq ta bolǧan joq. Jaǧdai tūraqtaldy. Qūqyq qorǧau organdarynyŋ küşınıŋ arqasynda tärtıp pen qauıpsızdık ornatyldy. Taǧy da sızderden arandatularǧa ılespeudı sūraimyz», - dedı. Aita keteiık, elge oralyp jatqan qazaqstandyqtar şekaradan jeŋıldetılgen rejimde ötedı.
Ūqsas jaŋalyqtar
