Qazaqstannyń eń úlken kemshiligi ár túrli ulttardyń bir aýylda, aýdanda shoǵyrlanýyna jol berýi. Bul tipti táýelsiz Qazaqstannyń da kinási emes, ol Máskeýdiń surqııa saıasatynyń jemisi edi. Jambyl oblysynda kil dúngender, Túrkistanda tek ózbekter, tájikter, al Almatyda tek uıǵyrlar turatyn aýyldar, aýdandar bar. Jáne ózge ulttar boıynsha da sondaı. Ondaı aýyldarda biren-saran qazaq qana bar kóbine. Biz olardyń saltyn, tilin, mádenıetin saqtaýǵa yqpal etip keldik. Gazetteri shyǵyp, mektepterde arnaıy synyptary da ashyldy. Adamdyq prınıp boıynsha. Sondyqtan kóp ulttar ózge elde júrgendeı sezinbedi ózderin. Árıne, Qazaqstan osynda turatyn 18 mln halyqtyń barlyǵynyń otany. Alaıda bul jerdiń ıesi bar, ol Qazaq halqy. Tıtýldy ult - QAZAQ.
Dál osy qazaq, ıaǵnı biz kóptegen ultty qıyn qystaý zamanda bir úzim nanymyzdy bólip, aman alyp qaldyq. Kóbisi 40-jyldary Stalındik deportaııa saıasatymen qýǵyndalyp, Qazaq dalasyna úskirik aıazda vagon-vagonmen ákelip tastalǵan edi. Biz olarǵa basyna shatyr, ústine kıim, aýzyna tamaq berdik. Osy jaqsylyqty eshbir ult umytpaýy tıis. Memleket umyttyrmaýy kerek. Ol úshin tıtýldy ultty qurmetteýdi ıdeologııa etip sińirý kerek. Tyǵyz shoǵyrlanǵan ulttardy shashyratyp ornalastyrý saıasatyn birtindep júzege asyrǵan durys.
Bul elde barlyq ulttyń quqyǵy teń. Biraq barlyǵy bir sózdi jadynda ustaǵany jón. "Shańyraqqa qara" degen sózdi jattap alsyn!
Ashat QASENǴALI
