Elordada «Bala balýan» respýblıkalyq týrnıri ótedi

2236

Qazaqstan Respýblıkasynyń Qazaq kúresi federaııasynyń prezıdenti - Aqparat jáne qoǵamdyq damý mınıstri Dáýren Abaev federaııanyń bıylǵy jumys josparymen bólisti, dep habarlaıdy QazAqparat tilshisi.

«Qazir Qazaq kúresiniń ataýyn ózgertý máselesi jıi talqylanyp júr. Osy rette biz zertteýshi ǵalymdar tobyna Qazaq kúresine qatysty termınderdi júıeleýdi tapsyryp otyrmyz. Sonymen qatar, tóreshiler men jattyqtyrýshylarǵa arnalǵan ǵylymı-ádistemelik nusqaýlyqtar jaryq kóredi. Qazaq kúresiniń erejesi jınaqtalǵan vıdeonusqaýlyq túsirilip jatyr. Ol jerde árbir ádis búge-shúgesine deıin vıdeomen kórsetiledi. Ony barlyq bapkerler men sportshylar, tipti shalǵaı aýyldardaǵy turǵyndar da kórip, jattyǵýǵa paıdalanýǵa bolady. Jyl aıaǵyna deıin barlyq óńirlerdegi Qazaq kúresine qatysty máseleler zerttelip, damý kartasy jasalady. Soǵan sáıkes jumys josparyn tolyqtyryp otyramyz. Biz ulttyq kúresti álemge tanytý úshin óz elimizdegi nasıhatyn kúsheıtýimiz kerek. Osy jerde BAQ ókilderiniń jumysy biz úshin óte mańyzdy. Ulttyq kúresti qazaqstandyq medıanyń basty taqyrybyna aınaldyrý arqyly biz álemdik bıikke jaqyndaımyz», - dedi ol OKQ-da ótken baspasóz máslıhatynda. Mınıstr qazaqtyń tól sportyn álemge tanytýda árbir qazaqstandyq óz úlesin qosar degen senim bildirdi. Sondaı-aq, ol federaııa ótkizetin bıylǵy týrnır jaıly baıan etti. Atap aıtqanda, bıyl Qazaqstannyń barlyq aımaǵynan balalar arasynda «Bala balýan» respýblıkalyq týrnıri (Nur-Sultan, «Jekpe-jek» saraıy, 18 sáýir), «Halyq Barysy» respýblıkalyq týrnıri (Almaty «Suńqar» halyqaralyq tramplınder kesheni), 30-31 mamyr aralyǵynda «Qazaqstan barysy» respýblıkalyq týrnıri (Nur-Sultan q.«Jekpe-jek» saraıy, 4 shilde), eresekter arasynda QR chempıonaty (Atyraý q. 9-13 qarasha), «Eýrazııa barysy» álem kýbogy (Almaty q. «Almaty Arena» muz saraıy, 2 jeltoqsan) ótedi.

 

Pikirler
Redakııa tańdaýy