Qazaqstan Respublikasynyŋ Qazaq küresı federasiiasynyŋ prezidentı - Aqparat jäne qoǧamdyq damu ministrı Däuren Abaev federasiianyŋ biylǧy jūmys josparymen bölıstı, dep habarlaidy QazAqparat tılşısı.
«Qazır Qazaq küresınıŋ atauyn özgertu mäselesı jiı talqylanyp jür. Osy rette bız zertteuşı ǧalymdar tobyna Qazaq küresıne qatysty terminderdı jüieleudı tapsyryp otyrmyz. Sonymen qatar, töreşıler men jattyqtyruşylarǧa arnalǧan ǧylymi-ädıstemelık nūsqaulyqtar jaryq köredı. Qazaq küresınıŋ erejesı jinaqtalǧan videonūsqaulyq tüsırılıp jatyr. Ol jerde ärbır ädıs büge-şügesıne deiın videomen körsetıledı. Ony barlyq bapkerler men sportşylar, tıptı şalǧai auyldardaǧy tūrǧyndar da körıp, jattyǧuǧa paidalanuǧa bolady. Jyl aiaǧyna deiın barlyq öŋırlerdegı Qazaq küresıne qatysty mäseleler zerttelıp, damu kartasy jasalady. Soǧan säikes jūmys josparyn tolyqtyryp otyramyz. Bız ūlttyq kürestı älemge tanytu üşın öz elımızdegı nasihatyn küşeituımız kerek. Osy jerde BAQ ökılderınıŋ jūmysy bız üşın öte maŋyzdy. Ūlttyq kürestı qazaqstandyq medianyŋ basty taqyrybyna ainaldyru arqyly bız älemdık biıkke jaqyndaimyz», - dedı ol OKQ-da ötken baspasöz mäslihatynda. Ministr qazaqtyŋ töl sportyn älemge tanytuda ärbır qazaqstandyq öz ülesın qosar degen senım bıldırdı. Sondai-aq, ol federasiia ötkızetın biylǧy turnir jaily baian ettı. Atap aitqanda, biyl Qazaqstannyŋ barlyq aimaǧynan balalar arasynda «Bala baluan» respublikalyq turnirı (Nūr-Sūltan, «Jekpe-jek» saraiy, 18 säuır), «Halyq Barysy» respublikalyq turnirı (Almaty «Sūŋqar» halyqaralyq tramplinder keşenı), 30-31 mamyr aralyǧynda «Qazaqstan barysy» respublikalyq turnirı (Nūr-Sūltan q.«Jekpe-jek» saraiy, 4 şılde), eresekter arasynda QR chempionaty (Atyrau q. 9-13 qaraşa), «Euraziia barysy» älem kubogy (Almaty q. «Almaty Arena» mūz saraiy, 2 jeltoqsan) ötedı.
Ūqsas jaŋalyqtar
