Qazaqstan koronavırýsqa baılanysty qytaılyq azamattarǵa vıza berý talaptaryn kúsheıtken, al áýejaıda elektrondy vıza rásimdeý toqtatyldy
Syrtqy ister mınıstrligi koronavırýsqa baılanysty Qytaımen aradaǵy shekarany jabý tártibin túsindirdi, dep habarlaıdy Sputnik Qazaqstan.
Mınıstrdiń birinshi orynbasary Shahrat Nuryshevtiń aıtýynsha, Qazaqstan Qytaımen aradaǵy shekarany jabýdy josparlap otyrǵan joq. Ol úshin Dúnıejúzilik densaýlyq saqtaý uıymynyń usynysy qajet. Alaıda koronavırýsqa baılanysty qytaılyq azamattarǵa Qazaqstannyń vızasyn berý talaptary kúsheıtildi.
"Qazirgi kezde bizdiń QHR-daǵy elshiligimiz ben bas konsýldyǵymyz osy eldiń azamattaryna densaýlyq týraly anyqtama jaǵynan vıza berý talaptaryn kúsheıtti. Budan bólek, Qytaı azamattary úshin áýejaıda elektrondy vıza rásimdeý jumysy toqtatyldy", - dedi Nuryshev úkimette ótken baspasóz máslıhatynda.
Onyń sózine qaraǵanda, Qytaımen aradaǵy shekara jabylsa, Qazaqstan azamattaryn elge qaıtarý múmkin bolmaıdy.
"Qazirgi málimetke sáıkes, QHR terrıtorııasynda 1 300 Qazaqstan azamaty bar. Olardyń ishinde 635 týrıst Haınan provınııasynda júr. Budan bólek, elshilik, bas konsýldyq qyzmetkerleri jáne olardyń otbasy músheleri bar", - dep atap kórsetti Nuryshev.
Qytaıdaǵy koronavırýs
Qytaıda 2019 jyldyń jeltoqsanynan bastap belgisiz koronavırýstyń taralýyna baılanysty el bıligi Hýbeı provınııasyndaǵy on qalany "jaýyp" tastady.
Birinshi bolyp Ýhan qalasy jabyldy. Sebebi qaýipti indet 11 mıllıonnan astam turǵyny bar osy qaladan taraǵan bolatyn.
Karantın jarııalanǵan qalalar arasynda Chıbı (534 myń adam), Echjoý (1,08 mıllıon adam), Hýangan (7,5 mıllıon adam), Sıantao (1,6 mıllıon adam), Chjızıan (550 myń adam), ıanzıan (963 myń adam), Hýanshı (2,7 mıllıon adam), Enshı (809 myń adam) men Sıannın (2,5 mıllıon adam) bar.
Búgingi jaǵdaı boıynsha, Qytaıda koronavırýstan 106 adam kóz jumdy. Buǵan qosa, bul aýrý basqa elderge de taraı bastaǵan.
