Búgin Almaty ákimdiginiń baspasóz ortalyǵynda QHR-dan shyqqan koronavırýstyq ınfekııany qaıtarý úshin qaladaǵy medıınalyq qyzmetterdiń daıyndyǵyn qamtamasyz etý boıynsha qabyldanǵan sharalar týraly baspasóz konferenııasy ótti dep habarlaıdy "Adyrna" portaly.
Oǵan Almaty qalalyq densaýlyq saqtaý basqarmasy basshysynyń orynbasary Ásel Bısenbaeva jáne taýarlar men qyzmetterdiń qaýipsizdigin baqylaý bóliminiń bastyǵy Aızat Moldaǵasımova qatysty.
Baspasóz konferenııa barysynda koronavırýstyń aldyn alýǵa daıyndyǵy týraly aıtyldy.
"Maskalar men dárilerdi jappaı satyp alýdyń qajeti joq. Olar jeterlik. Dúrligýdiń keregi joq. Qazirgi tańda qalada maskalary bar 67 dárihana kompanııasy jumys isteýde. Keshegi san boıynsha, maskanyń bir jarym mıllıon danasy bar. Farmaevtıka salasyndaǵy barlyq áriptesterimdi maskalardyń jetispeýshiligine baılanysty jasandy tolqýlar týǵyzbaýdy suraımyn.
Bul máseleni tabys kózine aınaldyrmańyzdar. Mundaı jaǵdaı menıngıt kezinde de bolǵan.
Keshe medıınalyq emes uıymdar, jaýapty emes uıymdar maskalardy satyp alǵany týraly faktiler anyqtaldy. Ne úshin? Keıinirek satý úshin. Sondyqtan men qala turǵyndaryn dúrbeleńge boı aldyrmaýǵa shaqyramyn. Alańdaýǵa negiz joq.
Jasandy tapshylyqty týdyrmas úshin qolǵa tek 15-20 maskadan berýge keńes beremin. Vırýsqa qarsy preparattar týraly aıtatyn bolsaq, olardyń sany jetkilikti. Olardy da satyp alýdyń qajeti joq. Dáriler qajet bolǵan jaǵdaıda tek reept boıynsha beriledi", - dedi Aızat Moldaǵasımova.
Esterińizge sala keteıik, búgin dene qyzýy kóterilgen 23 adam kelgen, onyń ishinde 4-eýi JRVI kúdigimen aýrýhanaǵa jatqyzyldy dep, habarlaǵan bolatyn densaýlyq saqtaý mınıstri Birtanov.
