Almatyda "Sergek" baǵdarlamalyq-qurylǵy keshenderiniń sanyn kóbeıtýdi josparlap otyr, - dep habarlaıdy Tengrinews.kz .
Bul týraly qala ákimi Baqytjan Saǵyntaev aıtty. Qala basshysynyń aıtýynsha, alǵashqy 22 kúnde jańa kameralar 4,5 myń jol kozǵalysy erejesin buzý derekterin túsirgen. Saǵyntaevtyń aıtýynsha, osy aralyqta jol-kólik oqıǵasynyń sany 12 paıyzǵa tómendegen. Onyń aıtýynsha, ótken jylmen salystyrǵanda qylmys 38 paıyzǵa azaıǵan.
"Qoǵamdyq qaýipsizdikti qamtamasyz etý jumystary, sonyń ishinde joldar men turǵyndar kóp jınalatyn jerlerde vıdeomonıtorıng júıesin keńinen qoldaný arqyly jalǵasady. Bıyl qosymsha 360-tan asa "Sergek" kameralaryn ornatýdy josparlap otyrmyz. Jyl saıyn quqyqtyq tártipti buzýdy qadaǵalaıtyn avtomatty beıne júıeleriniń úlesi ósip otyratyn bolady", - dedi Saǵyntaev.
Qazirgi ýaqytta qalada "Sergek" baǵdarlamalyq-qurylǵy kesheniniń 400 júıesi jumys isteıdi. Alǵashqy segiz kún ishinde kameralar 42 mıllıon teńgege jol erejesin buzý derekterin anyqtaǵan. Olardyń qandaı qıylystarda ornalasqany týraly myna jerden bile alasyz.
"Sergek" jyldamdyq rejımin asyrý, baǵdarshamnyń qyzyl túsine ótý, jol belgilerin elemeý, jolaqtardy elemeý, kólik quraldaryn toqtatý nemese turaqqa qoıý erejesin buzý, sondaı-aq qoǵamdyq kólik jolaǵyna ruqsatsyz kirýdi tirkeıdi. Polıııa ókilderi aıyppuldardyń barlyǵy qala bıýdjetine túsetinin atap ótti.
