Qazaqstandyq kásipqoı boksshy Batyr Júkembaev Monrealda ótken boks keshiniń basty kezdesýinde nokaýtpen jeńiske jetti.
Keshtiń basty jekpe-jeginde Batyr meksıkalyq Rıkardo Laramen judyryqtasty. 10 raýndqa belgilengen kezdesý, 2 raýndta aıaqtaldy. 28 jasar qazaqstandyq boksshy Júkembaev qarsylasyn sulatyp tastady. Bul Batyrdyń sporttaǵy mansabyndaǵy 18-shi jeńisi. Jáne 14-shi ret qarsylasyn nokaýtpen jeńdi.
Bastapqyda otandasymyz argentınalyq boksshy Maksımılıano Rıkardo Veronǵa qarsy bokstasýy kerek edi. Biraq ol Kanadaǵa vıza ala almaǵandyqtan, Batyr basqa sportshymen sharshy alań tórinde kúsh synasty.
