Qytaıdaǵy belgisiz vırýs

3409
Adyrna.kz Telegram

"Qytaıda naǵyz aqyrzaman bastaldy" dep jarysa jazýda álemdik BAQ ókilderi. Belgisiz vırýstyń taraýy osy aptada eselep artqan. 

Oǵan Qytaıdaǵy jańa jyl merekesiniń toılanýy áser etken. El ishindegi áýe reısteriniń sany artqandyqtan, jolaýshylar vırýsty eldiń barlyq aımaǵyna taratyp úlgergen. Kúni keshe ǵana Shyǵys Túrkistanda eki adam atalmysh vırýsty juqtyrdy degen kúdikpen aýrýhanaǵa jatqyzylǵan.

Vırýs búginde muhıt asyp AQSh-qa, teńiz asyp Japonııaǵa jetken. Qytaımen kórshiles elderdiń de azamattary bul vırýsty juqtyryp úlgergen. Atap aıtatyn bolsaq, Taıland, Ońtústik Koreıa, Sıngapýr, Gonkong pen Reseıge jetken. Ázirge bul belgisiz epıdemııany emdeýdiń tásili tabylmady.

Búgingi tańda vırýstan 26 adam kóz jumyp, 849 adam aýrýhanaǵa jatqyzylǵan. Sonymen birge 1072 adam vırýsty juqtyrýy múmkin degen kúdikpen baqylaýǵa alynǵan. Vırýspen kúresý úshin Qytaı bıligi 144 mln dollar bólgen. Vırýs oshaǵy bolyp tabylatyn Ýhan qalasyn jáne Hýangan, Echjoý qalalaryn oqshaýlap tastady.

Qalaǵa áýe baılanysy toqtatylǵan, kólik qatynasy shektelgen. Áskerı baqylaý posttary qalanyń shyǵys joldaryn baqylaýǵa alyp, eshkimdi shyǵarmaýda.

Bugin.kz

Pikirler