Jylda qańtar ortasynan aýa udaıy kún buzylady.
Boran borap, qar jaýyp ne úskirik aıaz túsip əıteýir tabıǵat bir minezin kórsetip qalady aq.
Tabıǵattyń ər qubylysyn eseptep, "besqonaq", "quralaıdyń salqyny" t.s.s. at qoıyp-aıdar taǵyp
júretin atalarymyz osy kúnderdi "Bórisyrǵaq" dep ataǵan eken. Olaı deıtini - dál osy ýaqytta qasqyr uıyǵady.
Qanshyǵy kúılep, arlannyń kózi qyzaryp osy alaı-túleı burqasynǵa oranyp "mahabbat mashaqatyn" ótkizedi eken...
Jylyna jalǵyz aq ret kóretin 5-6 kúndik qana "qyzyqtary" ǵoı, sodan ba dál osy kúnderi eshteńeden de taıynbaıdy eken jaryqtyqtar...
Bylaıǵy ýaqytta qasqyr qatty ashyǵa qoımasa ne birdeńeden óshikpese adam men malǵa shappaıdy. Dalanyń ańyn aýlap jep júre beredi. Alystan búlkildep adamnan uzap ketýge tyrysady.
Al osy bórisyrǵaqta "ǵashyqtyq ǵalamatynan" esteri aýyp, kózderi qyp-qyzyl bolǵan qasekeńder jolynda ne kezdesse de dal-dal qylyp ketedi. Adam bolsyn, mal bolsyn jaıratyp salady, biraq jemeıdi.
Osyny bilgen sharýa bul kúnderi malyn qystaýynan uzatpaı, adamǵa da malǵa da saq bolǵan.
Qazirgi qazaq
" bórisyrǵaq" ataýyn umytqan.
Orysqa erip "kreenskıe morozy" dep júrgenimen qoımaı, muzyn kres pishimdi qyp oıǵan sýǵa "Allahý akbar!" dep aıǵaılap túsip jatqan sanasyzdarǵa ne dersiń....
"Bórisyrǵaqty" umytqan qazaq Bóriligin de umytty aý...
Esen RAMAZAN,
"Adyrna" ulttyq portaly
