Kelisimderi jaramsyz dep tanylǵan 30 qaraǵandylyq kásipker «Aq jolǵa» júgindi

21.01.2020

2118

«Aq jol» partııasyna otyz kásipker sottyń kelisimderdi jaramsyz dep taný máselesi boıynsha júgindi. Osyǵan oraı, 17 qańtarda «Aq jol» partııasynyń keńsesinde kásipkerlerdiń frakııa depýtattarymen kezdesýi ótti.
Ótinish berýshilerdiń aıtýynsha, 2017 jyldan bastap Qaraǵandy oblysynyń memlekettik kirister organdary úshinshi jáne tipti besinshi kontr-seriktestermen jasalǵan kelisimderdi jaramsyz dep tanyp, jappaı aıyppuldardy óndirip alýda.
Sonymen qatar, salyq organdary «alaıaqtyq kelisimderdi» salyq tóleýden jaltarýdyń negizinde emes, taraptardyń biriniń balansynda aktıvterdiń nemese shtat sany bolmaýyna baılanysty, ıaǵnı óz qalaýy boıynsha anyqtaǵan. Mundaı faktiler dereý sotqa kelisimderdi jaramsyz dep taný úshin jiberiledi. Shynymen de, qazirgi ýaqytta, kóptegen kásipkerlerde qarajat ta, qyzmetkerler sany da shekteýli.
Kásipkerlerdiń aıtýynsha, sottar kelisimderdi is júzindeı teksermeı, usynylǵan dálelderge zańdy baǵa bermeı-aq, salyq organdarynyń 90% talaptaryn qanaǵattandyrady. Sonymen qatar, zań talaptaryna qaramastan, sottar aıyptalýshylardan 3 jyl buryn jasalǵan kelisimder boıynsha talap qoıý merzimin qoldanýdan bas tartady.
Oblys kásipkerleri qaýymdastyǵynyń málimetteri boıynsha, osyndaı sot isteriniń sany 2017 jyly - 116, 2018 jyly - 481, 2019 jyly – 685-ke jetken. Olardyń basym kópshiligin sot organdary salyq organdarynyń paıdasyna sheshedi. Bul óz kezeginde shaǵyn jáne orta bıznestiń quldyraýyna ákep soǵýda. Sonymen birge, Joǵarǵy Sot pen Bas prokýratýraǵa shaǵymdaný da esh nátıje bermegen.
Kásipkerler atalmysh másele kún sanap ulǵaıyp kele jatqandyqtan, ózderiniń quqyqtaryn qorǵaýdy surady. Kezdesýde T.Áshimov (Aspap), M. Nurǵojın («Mır stekla» JShS), B. Sadýova (qurylysshylar qaýymdastyǵy), E.Hen («Stroı Bıznes Konsaltıng» JShS) syndy ondaǵan kásipker men olardyń advokattary ózderiniń naqty jaǵdaılary týraly aıtty.
«Aq jol» demokratııalyq partııasynyń tóraǵasy Azat Perýashev bul másele tek Qaraǵandy oblysynda ǵana emes, basqa da aımaqtarda jıi kezdesetinin atap ótti. Buǵan deıin atalǵan máseleni «Aq jol» partııasy Bas prokýratýra, Qarjy mınıstrligi jáne «Atameken» Ulttyq kásipkerler palatasynyń ókilderimen birge Joǵarǵy Sottyń alańynda talqylaýǵa usynǵan bolatyn.
Talqylaý nátıjeleri boıynsha qurylǵan jumys toby zańnamaǵa qajetti ózgerister engizý boıynsha usynystardy talqylady. Alaıda, ótken jyldyń jazynan bastap top atalǵan usynystardy oryndamaı jumysyn toqtatqan. Sondyqtan biz usynǵan tásilder júzege asyrylmady, máseleni sheshý tetigi ázirlenbeı qaldy.
Qanshama dálelderdiń bolǵanyna qaramastan sot sheshimderiniń shyǵyp qoıǵandyǵy bul máseleni qıyndatýda. Tek Bas Prokýror nemese Joǵarǵy Sottyń Tóraǵasy olardy qaıta qaraýdy talap ete alady. Ókinishke oraı, biz kóptegen isterde prokýratýra organdary burynǵydaı kásipkerlerdiń quqyǵyn qorǵamaıtynyn kórip júrmiz.
Biz Bas prokýratýraǵa da, Joǵarǵy Sotqa da depýtattyq saýaldardy daıyndaımyz. Sonymen qatar, biz bıznespen jumys isteýdiń mundaı varvarlyq ádisterin boldyrmaý úshin Qarjy mınıstrliginiń basshylyǵymen jeke áńgimelesemiz », - dep Azat Perýashev kásipkerlerdi sendirdi.