NATO-OTAN

307

Búgin NATO tarıhyna kúkirt árippen jazylatyn mańyzdy oqıǵa boldy. Sıılııa aralynda ózdiginen ushatyn barlaýshy eki dron júıesi tanystyryldy. Ony tanystyrýǵa Natobasy Iens Stoltenbergtiń ózi keldi.

RQ-4D Phoenix drondary jaýyna ses, NATO-ǵa sep bolaıyn dep tur. Bul qanatty qyrandar álemniń ár túkpirin sharlaı ushyp, barlaý júrgizbek. Ushqan qus, júgirgen ań, júzgen balyq, tyǵylǵan terrorıst, sekirgen sodyr onyń temir kózderinen tys qalmaıdy. RQ-4D Phoenix tipti jer astyna jasyrynyp jatqan mınalarǵa deıin túsirip alatyn qudiretke ıe. Soıqan ba? Soıqan. Bul dronnyń janynda qyran qustyń kózi okýlıstke qaralýǵa jaramaı qalady qysqasy.

Endi bulardyń janyna taǵy úsh dron qosylyp, "bes barlaý búrkiti" aýa-raıynyń qandaı qıqar minezi bolsa da aspaı-saspaı qarly Alıaskadan bastap, muzdy Antraktıdaǵa deıin, shóldi Saharadan bastap, ormandy Orysııaǵa deıin, qysqasy 6 qurlyq, 4 muhıt, 7,5 mlrd adamdy tolyq tóbeden baqylap, NATO-ǵa aqparat berip otyrady. Ǵajap pa? Ǵajap.

Aıtpaǵym, osyndaı qarýǵa ıe áskerı blokpen siz desip syılasý aqyldylyq bolmaq. Al ebin taýyp, kúnderdiń kúni soǵan ózimiz kirip alsaq, ol tapqyrlyq bolady. NATO-ǵa músheniń, OTAN-ǵa kómegi bar. Kerisinshe oqysań "OTAN" sózi shyǵatyn NATO-ǵa kirer kún týar ma?..

Ashat Qasenǵalı

Pikirler