AQSh áskerıleri 8 qańtar kúngi Iran shabýylynan 11 sarbazdyń zardap shekkenin habarlady.
"8 qańtar kúngi Irannyń ál-Asad avıabazasyna shabýyly kezinde keıbir sarbazdar mı shaıqalý belgilerin emdeý kýrsynan ótti" dedi AQSh qarýly kúshter basqarmasynyń ókili Bıll Ýrban.
Tegeran 8 qańtarda "general Súleımanıdiń ólimine kek alý úshin" AQSh-tyń Iraktaǵy áskerı bazasyn balıstıkalyq zymyranmen atqylaǵan. Islam revolıýııasy korpýsyna qarasty "Quds kúshteriniń" qolbasshysy Súleımanı 3 qańtarda Baǵdatta AQSh-tyń áýe shabýyly kezinde qaza tapqan. Osydan keıin Tegeran men Vashıngtonnyń arasy tym ýshyǵyp ketken.
8 qańtar kúngi halyqqa joldaýynda AQSh prezıdenti Donald Tramp "Iran shabýylynan amerıkalyqtar men ıraktyqtar zardap shekpedi" jáne shabýyldyń saldarynan bazalar "sál búlindi" dep málimdegen.
"Azattyq" radıosy
