14 qańtarda Almatynyń LA-155/18 tergeý ızolıatorynda 19 jastaǵy Erkebulan Nurmyhanov esimdi tutqyn jumbaq jaǵdaıda kóz jumdy dep habarlady Ratel.kz saıty.
Tergeý ızolıatory dárigerleriniń sózine qaraǵanda, Nurmyhanovtyń dene qyzýy kóterilip, oǵan analgın jáne dımedroldan ýkol salynǵan. Ýkoldan keıin tutqynnyń jaǵdaıy tipti múshkildengen, jedel járdem kelgenge deıin ólip ketken.
Saıttyń jazýynsha, týystary tergeý ızolıatory ókilderiniń sózine kúmán keltiredi. Olardyń aıtýynsha, tutqynnyń dárige allergııasy bolmaǵan. Máıitti taný úshin máıithanaǵa barǵan kezde olar Nurmyhanovtyń denesiniń oń jaǵy, beti men basy da kókpeńbek daqtarǵa tolyp ketkenin baıqaǵan. Iyǵynan jaraǵa uqsas iz bilingen.
Saıttyń jazýynsha, sot-medıınalyq saraptama jasalǵannan keıin sarapshylar máıittiń denesindegi daqtar soqqynyń nátıjesi me, joq pa, sony anyqtaýy tıis.
Nurmyhanov tergeýshi qaýlysymen 14 qarashada eki aıǵa qamaýǵa alynǵan. 14 qańtarda túrmede otyrý merzimi bitýi tıis bolǵan. Alaıda dál sol kúni tergeý ızolıatorynyń ókilderi Nurmyhanovtyń týystaryna habarlasyp, tutqynnyń máıitin alyp ketý qajettigin aıtqan.
Nurmyhanov turmystyq sıpattaǵy oqıǵaǵa baılanysty qamaýǵa alynǵan, biraq polıııa buzaqylyq boıynsha is qozǵaǵan.
LA-155/18 mekemesiniń bastyǵy Áset Jumadıev 15 qańtarda Azattyq tilshisiniń suraqtaryna jaýap berýden bas tartyp, "departamentke habarlasyńyz" dep qysqa qaıyrdy. Respýblıkalyq qylmystyq atqarý júıesi komıtetiniń baspasóz hatshysy ázirge jaýap bermedi.
"Azattyq" radıosy
Foto avtory Qazız Toǵyzbaev
