azaqtyŋ bırtuar azamaty, QR Memlekettık syilyǧynyŋ laureaty, körnektı qoǧam qairatkerı, belgılı jurnalist, ǧūlama ǧalym, ūlaǧatty ūstaz Aqseleu Seidımbektıŋ ömırden ozǧanyna mıne, alty jyldan asa uaqyt ötken.
Dästür boiynşa, qazaqtyŋ tarihy men etnografiiasyn zertteude ölşeusız eŋbekter jazǧan zertteuşınıŋ tuǧan aiy - jeltoqsanda L.N. Gumilev atyndaǧy Euraziia ūlttyq universitetınıŋ ǧylymi kıtaphanasynyŋ Aqseleu Seidımbek atyndaǧy Ǧylym zalynda «Aqseleu Seidımbek jäne qazaqy bolmys» atty «Aqseleu oqulary» öttı.
«Aqseleu oqularynda» ǧalymnyŋ änderı şyrqalyp, ömırde syrlasy, ǧylymda - serıkterı, qiyn-qystau sätterde janaşyry bolǧan üzeŋgıles adamdar Aqseleu Seidımbek turaly estelıkterın aitty. «Aqseleu oqularyn» ūiymdastyryp otyrǧan universitettıŋ Jurnalistika jäne saiasattanu fakultetınıŋ dekany Qairat Saq atap ötkendei, Aqseleu Seidımbektıŋ mūrasy eşqaşan ölmeidı, kerısınşe, uaqyt ötken saiyn qazaqtyŋ ūlttyq erekşelıkterın zerttegen jas ǧalymdar üşın qūny arta beredı.
Sondai-aq, ol şara barysynda öner körsetıp, Aqseleu Seidımbektıŋ änderın şyrqaǧan, küilerın şertken studentter men oqytuşylarǧa «Ūly dalanyŋ Aqseleuı» atty kıtapty tabys ettı.
«Äkemız tört aǧaiyndy boldy. Aǧalarynyŋ bärı keŋşarda tūrdy. Solardyŋ balalary bızdıŋ üide tūryp oqydy. 15-20 şaqty bala bır üide jatamyz. Ortasynda aǧataiym (Aqseleu Seidımbek - avtor) bar. Aǧataiym tapqyr edı, bükıl oiyndy sol kısı ūiymdastyratyn. Qairat Baibosynovty bılesızder, sol kısı bızben körşı tūrǧan. Keşke mal jailanǧannan keiın auyldyŋ aqsaqaldary jinalyp, Qairatqa öleŋ aitqyzatyn. Bır jyly Jüsıpbek Elebekov kelgende Qairatty qolynan jetektep aparyp, tanystyrǧan. Osylaişa, Qairat Almatyǧa attandy. Aitaiyn degenım, sol kezde Aqseleu aǧataiym, öleŋ jazatyn, gazetterge öleŋderı şyǧatyn. Aqseleu aǧamnyŋ jazǧan öleŋderın äkei tüzetıp otyratyn. Aǧataiym oqu bıtırgennen keiın «Leninşı jas» gazetınıŋ Qaraǧandy oblysyndaǧy tılşısı bolyp jūmysqa ornalasty.
Endı myna «Ūly dalanyŋ Aqseleuı» degen atpen şyqqan kıtap jalǧasyn tapsa eken»,-deidı Aqseleu Seidımbektıŋ qolǧanaty bolǧan Asylhan Hasenūly.
«Aqseleu san qyrly, kürdelı tūlǧa. Kürdelı, ırı tūlǧany bır kıtappen, osyndai bır oqular arqyly tanyp bılu mümkın emes. Aqseleudıŋ ömırden ozǧanyna alty jyldan astam uaqyt boldy. Alty jyldan berı Aqseleu oqulary üzdıksız ötıp kele jatyr. Öz basym, janynda jürgen dosy retınde Aqseleudıŋ bar eŋbegı qazaqtyŋ bolmasyn, halyqtyq qasietın körsetuge arnalǧan dep aitar edım. Aqseleu zertteulerınıŋ arasynda tau tūlǧa bolyp tūrǧan eŋbegı - «Qazaqtyŋ auyzşa tarihy» kıtaby. Bızdıŋ halyq ömır boiy el bolyp qalyptasa bastaǧannan keşegı 20 ǧasyrdyŋ basyna deiıngı klassikalyq köşpelı ömır salty bırjolata toqtaǧanǧa deiıngı kezeŋde, handyq bolsyn, qaǧanat bolsyn, ūlys bolsyn, qandai memleket bolmasyn, sol memlekettıŋ qūrylymdyq jüiesı - rulyq taipalyq jüie boldy. Rulyq-taipalyq jüienı Aqseleudei aşyp bergen eşkım joq»,-dedı keştı qorytyndylaǧan Aqseleu Seidımbektıŋ jaqyn dosy, jazuşy Qoişyǧara Salǧaraūly.
Baq.kz
