26 jeltoqsanda "Qazaqstannyń demokratııalyq partııasyn" qurǵysy keletin bastamashyl top ókilderi myńnan astam adamnyń qoly qoıylǵan qujatty ádilet mınıstrligine tapsyryp, quryltaı sezin ótkizý úshin bastamashyl topty tirkeýdi surady.
Qujattardy ádilet mınıstrliginiń ókili Talǵat Ábýbákirov qabyldap, tirkelgeni týraly kvıtanııany búgin saǵat 16.00-ge deıin berýge ýáde berdi.
Bastamashyl top ókili Inga Imanbaı mınıstrlik topty tirkemegen jaǵdaıda muny "saıası sebeppen" baılanystyratynyn aıtty.
- Bizge sezd ótkizýge múmkindik beredi dep úmittenemiz. Daıyndaǵan qujattarymyz ben jaqtastarymyzǵa senemiz. Eger ádilet mınıstrligi qandaı da bir sebeppen tirkeýden bas tartsa, onda ony saıası sebeppen bas tartty dep túsinemiz jáne ári qaraı áreket jasaımyz, - deıdi Inga Imanbaı.
31 jastaǵy jýrnalıst, belsendi Janbolat Mamaı qazan aıynda Almatydaǵy jıynda "Qazaqstannyń demokratııalyq partııasyn" quratynyn málimdegen. Ol “partııanyń maqsaty saılaýǵa túsý emes, eldegi bılik júıesine ózgeris engizý, halyqtyń únin bılikke jetkizý” ekenin aıtqan.
Ol keıinirek oblysty aralaýǵa probaııa qyzmetiniń ruqsat bermeı otyrǵanyn habarlaǵan. Qarasha aıynda bastamashyl top ókilderiniń aımaqtaǵy kezdesýleri kezinde birneshe adam shý shyǵarǵan.
Qazaqstan zańnamasy boıynsha, partııa qurý úshin aldymen myń adam qatysatyn sezd ótkizý qajet. Al partııany resmı túrde tirkeý úshin 40 myń múshesi bolýy kerek.
Qazaqstan prezıdenti Qasym-Jomart Toqaev 20 jeltoqsanda "ulttyq qoǵamdyq senim keńesiniń" otyrysynda partııa qurýǵa qajetti adamdar sanyn 40 myńnan 20 myńǵa azaıtý qajettigin aıtqan.
Qazirgi kezde Qazaqstanda resmı tirkelgen alty partııa bar. Parlamentte úsh partııanyń ókilderi otyr: burynǵy prezıdent Nursultan Nazarbaev basqaratyn "Nur Otan" partııasy, bılikshil "Aq jol" jáne "Kommýnıstik halyqtyq partııasy".
"Azattyq" radıosy
Foto avtory Sanat Oryn Álı
