Qostanaı oblysyndaǵy qylmystyq ister jónindegi mamandandyrylǵan aýdanaralyq sotta Qamysty aýdanynyń 49 jastaǵy turǵyny Larısa Pýrıktiń isine qatysty otyrys ótti
Qostanaı oblysynda Altynsarın aýylynyń turǵyny Anatolıı Tıhonenkonyń ólimine qatysty sot úkimi shyqty, dep habarlaıdy Alau.kz portaly.
49 jastaǵy Larısa Pýrık Altynsarın aýylynda naýqas ákesi Anatolıı Tıhonenkomen birge turǵan.
Larısa psıhıkalyq aýrýyna baılanysty ekinshi toptaǵy múgedek esebinde bolǵan. Soǵan qaramastan Pýrık ákesine kútim jasap júripti. Alaıda osy jyldyń 12 mamyrynda Tıhonenko qaıtys boldy.
Keıin osy aýylda turatyn Tıhonenkonyń eki qyzy úıge kelip, oqıǵa ornyna jergilikti ýchaskelik ınspektor men medıınalyq qyzmetkerdi shaqyrǵan.
"Týystary onyń ózi ajal qushqanyn aıtqan. Soǵan qaramastan ózderi oqıǵa ornyna jedel-tergeý tobyn shaqyrypty. Al top Anatolıı Tıhonenkonyń denesin aýdandaǵy máıithanaǵa jibergen. Máıitti tekserý barysynda oǵan oq tıgeni anyqtaldy", - deıdi sýdıa Altynaı Saǵyndyqova sot otyrysy barysynda.
Tergeý málimetine sáıkes, Anatolıı Tıhonenko óli kúıinde tabylǵan kezde onyń ústinde kıimi bolǵan ári denesinde qan izderi kórinbepti. Tek máıithanada onyń keýdesinen plastyr anyqtalǵan. Ony alǵan kezde turǵynǵa oq tıgeni belgili bolǵan. Oq er adamnyń ókpesi men júregin tesip ótipti.
Alaıda polıııa úıden qarý tappady. Tártip saqshylary kúdiktilerdi birinshi ret tergegen soń "Adam óltirý" baby boıynsha qylmystyq is qozǵady.
"Ýchaskelik ınspektor, tergeýshiniń bergen málimetine sáıkes, Larısa Pýrık alǵashqy tergeý barysynda týǵan ákesine oq atqanyn aıtqan. Sebebi ákesi qyzyna ótinish jasapty", - deıdi sýdıa.
Sońǵy ýaqytta Tıhonenko qatty aýyryp, jany qınalǵan. Tipti, ol birneshe ret óz-ózine qol salǵysy keletinin aıtqan. Sot otyrysynda ol óziniń bul oıyn psıhıkalyq aýrýǵa shaldyqqan qyzyna aıtyp, odan kómek suraǵany belgili boldy.
Almaty oblysyndaǵy arnaıy ortalyq júrgizgen psıhıatrııalyq saraptama qorytyndysyna sáıkes, Larısa Pýrıktiń psıhıkalyq dertke shaldyqqany anyqtaldy. Qazir ol osy medıınalyq mekemede em qabyldap jatyr.
"Sot kúdiktiniń QR qylmystyq kodeksiniń 99-baby, 1-tarmaǵy ("Adam óltirý") boıynsha zańǵa qaıshy áreketti essizdik jaǵdaıynda jasaǵany týraly úkim shyǵardy. Sol sebepten Larısa Pýrık qylmystyq jaýapkershilikten bosatylsyn", - delingen sot úkiminde.
Alaıda kúdikti qoǵamǵa qaýip tóndiretindikten respýblıkalyq psıhıatrııalyq aýrýhanada ıntensıvti túrde em qabyldaýǵa mindetteldi. Larısa Pýrıktiń týystary sot úkimimen kelispeıdi, olar sot úkimine shaǵym túsirmekshi. Sebebi sotqa deıingi tergeý barysynda qatelikterge jol berilipti.
