Polıııa Aqordaǵa bet alǵandardy ustap jatyr. Nur-Sultan, 16 jeltoqsan 2019 jyl.
Polıııa 16 jeltoqsan kúni Nur-Sultan qalasyndaǵy bılikke qarsy marsh kezinde ustalǵan belsendilerdi Almaty aýdandyq polıııa bólimshesine jetkizgen. Polıııa ustalǵandardyń advokattaryn ishki kirgizbegen. Bul týraly Azattyqqa quqyq qorǵaýshy Erlan Qalıev pen advokat Ashat Orazbaev habarlady.
Quqyq qorǵaýshy Qalıevtiń sózinshe, Almaty aýdandyq polıııa bólimshesinde ustalǵandardyń jaqyndaryna eshqandaı aqparat bermeı otyr.
- Bizdiń bilýimizshe, ustalǵandardyń ústinen qazir polıııa ǵımaratynda kóshpeli sot ótip jatyr. Sotqa advokat Ashat Orazbaevty jibermedi. Qansha adam ustalǵanyn aıtpaı otyr. Esepteýimizshe, shamamen 25 adamdar bar. Odan da kóp bolýy múmkin. Ustalǵandardyń ústinen sot ótip jatqany anyq. Ustalǵandardyń arasynda Bolatbek Bilálov, Dýlat Aǵadil bar. Olarǵa advokatyn jibermeı, quqyqtaryn buzyp jatyr, - dedi Qalıev.
Advokat Ashat Orazbaev Almaty aýdandyq polıııa basqarmasyna eki saǵat buryn kelgenin, qorǵaýyndaǵy adamdarǵa óte almaı turǵanyn aıtty.
- Almaty aýdandyq polıııa basqaramasyna kelgenime eki saǵat boldy. Qorǵaýymdaǵy Bolatbek Bilálovke, Dýlat Aǵadilge jáne Abylaı Ádilhanovǵa meni kirgizbeı tur. Polıııadaǵylar kútińizder dep otyr. Ákimshilik ispen, aıyppen tanysa almaı otyrmyn. Al Almaty aýdandyq polıııasynda kóshpeli sot ótip jatyr. Osy jerde kezekshi prokýror men kezekshi advokat bar dep otyr. Biraq kezekshi advokatty kórgen joqpyn, tanymaımyn, - deıdi advokat.
16 jeltoqsanda Nur-Sultanda Jeltoqsan jáne Jańaózen oqıǵasy qurbandaryn eske alý sharasynan keıin Aqordaǵa bet alǵan ondaǵan belsendini jolda polıııa ustady. Arnaıy jasaq olardy avtobýsqa salyp, alyp ketken.
Osy kúni Almatyda da polıııa bılikke talap aıtqan ondaǵan belsendini ustaǵan. IIM 16 jeltoqsanda qansha adamnyń ustalǵany jaıly ázirge eshqandaı aqparat bermedi.
"Azattyq" radıosy
