QR Tuńǵysh Prezıdenti Mýzeıinde ótken «Ǵasyrlar amanaty» atty respýblıkalyq akııasynyń aıasynda «Amanat» sandyǵyn tapsyrý rásimi ótti, dep habarlaıdy BAQ.KZ tilshisi.
Mýzeıge tapsyrylǵan «Amanat» sandyǵynda elimizdegi birqatar mýzeılerdiń qoryndaǵy jádigerlerdiń fotosýretteri men sıpattamalary jınaqtalǵan.
Atap aıtqanda, XVII-XVIII ǵasyrdaǵy batyr saýyty, Ilııas Esenberlınniń qoljazbasy, Abylaı han taǵy, Bógenbaı batyrdyń dýlyǵasy, Aqan seriniń adalbaqany tárizdi jádigerler týraly málimetter jınaqtalǵan.
Sonymen qatar, Almaty oblysynan tabylǵan aıbalta men Aqtóbe oblystyq mýzeıiniń qoryndaǵy Bujyr batyrdyń saýyty, Atyraý mýzeıinen alynǵan qaıraq tas pen Jambyl oblysynan tabylǵan saq dáýirindegi batyr dýlyǵasy týraly qyzyqty málimetter engizilgen.
«Amanat» sandyǵyn QR Tuńǵysh Prezıdenti Mýzeıiniń dırektory Alma Saǵynǵalıqyzyna Aqmola oblystyq mádenıet basqarmasynyń bastyǵy Sáýle Bókeıhanqyzy saltanatty túrde tapsyrdy.
Aıta óteıik, búgin QR Tuńǵysh Prezıdenti Mýzeıinde «Ǵasyrlar amanaty» atty respýblıkalyq akııasynyń qorytyndysy jarııalandy. Akııa qorytyndysy kezinde Qazaq handyǵynyń 550 jyldyǵyna arnalǵan derekti fılmder kórsetilip, kópshilik qaýymǵa arnaıy kórme usynyldy.
