Bizdiń qoǵamda «eriktiler» týraly áńgime qozǵalsa, bos ýaqytyn qalaı ótkizerin bilmeı júretin stýdenttiń beınesi kóz aldymyzǵa keledi. Alaıda «volonterlar» óskeleń jastardy eńbeksúıgishtik pen jaqsylyqqa ıtermelep, óziniń týyp-ósken jeriniń damýy men gúldenýine septigin tıgizip júrgen keń júrekti jomart jandar. Mine, eriktilerdiń eńbegin erlikke balaǵan memleket basshysy Qasym-Jomart Toqaev 2020 jyldy – eriktiler jyly dep jarııalap otyr.
Memleket basshysy eriktilerge degen kózqarasty ózgertý úshin damyǵan elderdegideı volonterlikke bútin bir sala retinde qaraý qajettigin jáne erikti bolyp júrgen stýdentterdiń shákirtaqysyn kóterý máselesin alǵa tartqan-dy. Álbette mundaı aqjoltaı habar eriktilerdiń qataryn arttyrary kúmánsiz. Dese de, el qazynasynan qyrýar qarjy bólinetin eriktiler jyly óz mindetin tısinshe atqara ala ma? Bizdiń jastardyń volonterlik qyzmet týraly tanym-túsinikteri, bilim-tájirbıesi kóńil kónshitedi me? Jalpy, «eriktiler jylynan» ne kútemiz? kókeıdegi osyndaı suraqtardy oblystaǵy úkimettik emes uıymdardyń ókilderine qoıǵan bolatynbyz.
Sonymen, saýlnamamyzǵa qatysqan Jambyl oblystyq ÚEU qaýymdastyǵynyń tóraıymy Aınur Zaýyrbekova «eriktiler jyly» jastarǵa mol múmkindik beredi dep sanaıdy.
«Erikti bolý – mańyzdy ári jaýapty is. Qazaqstan úshin ǵana emes, búkil álem úshin solaı. Eriktilerdiń kómegine zárý adamdar kóp. Sebebi olar áleýmettik máselelerdi sheshýge atsalysady. Soǵan qaramastan, tegin ári aıanbaı eńbek etedi. Zaman aǵymyna baılanysty erikti bolýdyń da túri ózgerdi. Buryn eriktiler qorshaǵan ortany taza ustap, ata-ájeniń úıine baryp qolǵabys etse, al qazir memlekettik qoldaýdyń arqasynda barlyq sala qamtylýda. Qyrkúıekten bastap, QR Aqparat jáne qoǵamdyq damý vıe-mınıstrigi qoǵamdyq jumysqa aralasqysy keletin eriktilerge arnaıy saıtty iske qosty, onda árbir bilimger óziniń belsendi eriktilik qyzmetin usynyp, nátıjesinde oqý aqysyn tóleýge múmkindik almaq. Osylaısha eriktilerdiń eńbegi elenbek, – deıdi ol.
Al "Elim-aı Dostyq" qoǵamdyq birlestiginiń jetekshisi Polına Kım eriktiler jyly jastardy patrıotylyqqa baýlyp, olardy jappaı jaqsylyq jasaýǵa jumyldyrady dep sanaıdy.
«Azamattyq qoǵamnyń alǵa damýyna áser etetin biregeı kúshtiń biri – eriktiler. Qazaqstanda nátıjeli jumystar atqaryp kele jatqan eriktilerdiń belsendiligin túrli oqıǵalar oryn alǵanda jiti ańǵaramyz. Máselen, Arys qalasynda oryn alǵan qaıǵyly jaǵdaıda eriktiler judyryqtaı jumylyp, asarlatty. El rıza boldy. Erikteler jylynda qalamen qatar aýyl jastaryn da qamtyp, olardyń ózderin jan-jaqty jetildirgenin qalaımyn, – deıdi ol.
«ADYRNA»
ulttyq portaly
