Ulttyq mýzeıde Ermıtaj kúnderi ótti

2694
Adyrna.kz Telegram

 Qazaqstan Respýblıkasy Ulttyq mýzeıinde QR Tuńǵysh Prezıdenti kúni aıasynda Memlekettik Ermıtaj ben QR Ulttyq mýzeıi arasyndaǵy birlesken yntymaqtastyq shartyn júzege asyrý negizinde «Ermıtaj kúnderi» ótti.

 

 

Ǵylymı restavraııa, ǵylymı-aǵartýshylyq jumystary, mýzeı eksponattaryn saqtaý men qorǵaý boıynsha mýzeı isiniń iri mamandarynan turatyn delegaııany tarıh ǵylymdarynyń doktory, professor, RǴA korrespondent-múshesi, Reseı mýzeıleri odaǵynyń tóraǵasy, Halyqaralyq mýzeıler keńesiniń múshesi (IKOM), tarıhshy-shyǵystanýshy, arabtanýshy jáne ıslamtanýshy, Taıaý Shyǵystyń ejelgi jáne ortaǵasyrlyq tarıhy, Arab túbeginiń tarıhy, Saba, Hımıar, Quran jáne ıslamnyń  erte tarıhy, ejelgi arab jazýlary, arabtardyń epostyq ańyzdary, arab qoljazba kitaby, musylman mádenıeti salalaryn zerttegen  Memlekettik Ermıtajdyń Bas dırektoryMıhaıl Pıotrovskıı bastap keldi.

"Meniń Qazaqstanǵa kelgendegi maqsatym – Astana, Qazaqstannyń Ulttyq mýzeıinde Ermıtaj kúnderin ótkizý. Jalpy, jeltoqsan aıynyń basynda Ermıtaj kúnderin uıymdastyryp, jyl boıy atqarǵan jumysymyzdy qorytyndylaımyz. Bıyl óz elimizde esep bermesten buryn, Astanaǵa kelip, Ermıtaj kúnderin uıymdastyryp jatyrmyz. Shara aıasynda ózara təjirıbe almasamyz. Ulttyq mýzeıge bul alǵash kelýim", – dedi M.Pıotrovskıı.

«Ermıtaj kúnderiniń» saltanatty ashylý rásimine QR Mádenıet jáne sport mınıstri Arystanbek Muhamedıuly, sonymen qatar QR Parlament Májilisiniń depýtattary, belgili memleket jáne qoǵam qaıratkerleri, zııaly qaýym ókilderi qatysty.

"Ulttyq mýzeıdiń halyqaralyq dərejede óz orny bolý kerek.  Mıhaıl Pıotrovskıı restavraııa, mýzeıfıkaııa sııaqty sırek kezdesetin mamandardy ertip keldi. Bizdiń maqsatymyz – Ermıtajben tyǵyz qarym-qatynas ornatý. Mysaly, kelesi jyly Qazaqstanda Ermıtajdyń birneshe kórmesin ótkizýimiz kerek. Sebebi, Ermıtajda Saq mədenıetine baılanysty kóptegen jədigerler, Aqsaq Temirdiń tasqa jazǵan jazbalary sııaqty kóptegen jədigerler bar. Sonymen qatar, Qazaqstan mýzeılerindegi de sırek kezdesetin jədigerlerdi Ermıtajǵa qoıýymyz kerek. Sondyqtan, osy Ermıtaj kúnderiniń mańyzy zor", – dedi A. Muhamedıuly.

Shara barysynda lekııalar, semınarlar, sheberlik sabaqtary, kezdesýler, mýzeılerdiń IKOM Halyqaralyq  Keńesimen birlesip qyzmet etý boıynsha, sonymen qatar, Ermıtaj týraly vırtýaldy kórme sııaqty halyqaralyq mýzeı jobalary aıasynda mýzeı salalaryn damytý syndy ózekti máselelerdi talqylaý boldy.

"Búginde mýzeı qaýymdastyǵynyń aldynda jalpy adamzattyq qundylyqtardy saqtaý men nasıhattaýǵa qatysty ózekti máseleler tur. Olardy tıimdi sheshýde Ulttyq mýzeıdiń roli erekshe. Mýzeı ashylǵaly beri sheteldik, onyń ishinde Reseı mýzeılerimen tyǵyz baılanys ornatyp keledi. Osyndaı áriptestik baılanystyń nátıjesinde túrli baǵyttaǵy mádenı almasýlar, kóptegen mańyzdy jobalar júzege asyryldy. Ulttyq mýzeıde Ermıtaj kúnderiniń ótýi de sondaı aýqymdy jumystyń jemisi", – dedi QR Ulttyq mýzeı dırektory Darhan Myńbaı.

              

 

 

 

Pikirler