Semeıdi damytý baǵdarlamasy aıasynda 2025 jylǵa deıin 56 joba júzege asyrylady

2573
Adyrna.kz Telegram

Ortalyq kommýnıkaııalar qyzmetinde ótken brıfıng barysynda ShQO ákimi Danıal Ahmetov Memleket basshysy Qasym-Jomart Toqaev pen el úkimeti Semeı qalasyn damytýǵa úlken qoldaý kórsetip otyrǵanyn atap ótti.

Esterińizge sala keteıik, qazan aıynda Premer mınıstr qala halqymen kezdesý ótkizip, Semeıdiń 2020-2025 jyldarǵa arnalǵan keshendi damý baǵdarlamasynyń tanystyrylymyna qatysqan bolatyn. Josparǵa sáıkes jeti baǵyt boıynsha 56 joba júzege asyrylady. Oǵan 250 mlrd. teńge qarastyrylǵan.

Aıta keteıik, sońǵy úsh jyldyń ishinde qalany abattandyrý jumystaryna, sondaı-aq joldardy jóndeýge 13,5 mlrd.teńge jumsaldy. Al mektepterdi jóndeý jumystaryna 1,5 mlrd.teńge bólindi. Ushaqtar kentinde 1200 oryndyq, Bobrovkada 600 oryndyq mektep qoldanysqa berildi. Qaraǵaıly jańa yqsham aýdanynda 20 kópqabatty turǵyn úı salyndy. Qazirgi kúni jeke turǵyn úı qurylystaryn júrgizý úshin alańdardaǵy ınfraqurylym jaqsartylýda. Avtobýs parkiniń 80% jańartyldy. Jergilikti óndirýshi kompanııa "Daewoo Bus Kazakhstan” JShS-niń 267 avtobýsy qala ishindegi marshrýttarda qyzmet kórsetýde. Áýejaıda qaıta jaraqtandyrý jumystary júrgizildi. Halyqaralyq deńgeıdegi "Abaı-Arena" kóp fýnkııaly sport kesheniniń qurylysy aıaqtalýǵa jaqyn.

Keshendi jospar aıasynda Semeıde tórt myńnan astam jumys orny ashylyp, 133 kópqabatty turǵyn úı qoldanysqa beriledi. Áleýmettik salany damytý maqsatynda 47 mlrd.teńge bólinip, 4 mektep, 4 balabaqsha, muz aıdyny modýli, balalar aýrýhanasy, múmkindigi shekteýli jandarǵa arnalǵan ońaltý ortalyǵy boı kóteredi. Sondaı-aq memlekettik jekemenshik seriktestik aıasynda bıýdjetten tys 76 mlrd.teńge tartý qarastyrylǵan.

- Ónerkásip óndirisiniń kólemi 5 jyldyń ishinde 1,6 esege artady. Aýyl sharýashylyǵy ónimi 1,2 esege, bólshek saýda taýar aınalymy 2 esege artady. Sonymen qatar 1-6 jas aralyǵyndaǵy búldirshinder mektepke deıingi bilim berý mekemelerimen 100 paıyz qamtylady, - dedi Danıal Ahmetov.

Pikirler