Ortalyq kommunikasiialar qyzmetınde ötken brifing barysynda ŞQO äkımı Danial Ahmetov Memleket basşysy Qasym-Jomart Toqaev pen el ükımetı Semei qalasyn damytuǧa ülken qoldau körsetıp otyrǧanyn atap öttı.
Esterıŋızge sala keteiık, qazan aiynda Premer ministr qala halqymen kezdesu ötkızıp, Semeidıŋ 2020-2025 jyldarǧa arnalǧan keşendı damu baǧdarlamasynyŋ tanystyrylymyna qatysqan bolatyn. Josparǧa säikes jetı baǧyt boiynşa 56 joba jüzege asyrylady. Oǧan 250 mlrd. teŋge qarastyrylǧan.
Aita keteiık, soŋǧy üş jyldyŋ ışınde qalany abattandyru jūmystaryna, sondai-aq joldardy jöndeuge 13,5 mlrd.teŋge jūmsaldy. Al mektepterdı jöndeu jūmystaryna 1,5 mlrd.teŋge bölındı. Ūşaqtar kentınde 1200 oryndyq, Bobrovkada 600 oryndyq mektep qoldanysqa berıldı. Qaraǧaily jaŋa yqşam audanynda 20 köpqabatty tūrǧyn üi salyndy. Qazırgı künı jeke tūrǧyn üi qūrylystaryn jürgızu üşın alaŋdardaǧy infraqūrylym jaqsartyluda. Avtobus parkınıŋ 80% jaŋartyldy. Jergılıktı öndıruşı kompaniia "Daewoo Bus Kazakhstan” JŞS-nıŋ 267 avtobusy qala ışındegı marşruttarda qyzmet körsetude. Äuejaida qaita jaraqtandyru jūmystary jürgızıldı. Halyqaralyq deŋgeidegı "Abai-Arena" köp funksiialy sport keşenınıŋ qūrylysy aiaqtaluǧa jaqyn.
Keşendı jospar aiasynda Semeide tört myŋnan astam jūmys orny aşylyp, 133 köpqabatty tūrǧyn üi qoldanysqa berıledı. Äleumettık salany damytu maqsatynda 47 mlrd.teŋge bölınıp, 4 mektep, 4 balabaqşa, mūz aidyny modulı, balalar auruhanasy, mümkındıgı şekteulı jandarǧa arnalǧan oŋaltu ortalyǧy boi köteredı. Sondai-aq memlekettık jekemenşık serıktestık aiasynda biudjetten tys 76 mlrd.teŋge tartu qarastyrylǧan.
- Önerkäsıp öndırısınıŋ kölemı 5 jyldyŋ ışınde 1,6 esege artady. Auyl şaruaşylyǧy önımı 1,2 esege, bölşek sauda tauar ainalymy 2 esege artady. Sonymen qatar 1-6 jas aralyǧyndaǧy büldırşınder mektepke deiıngı bılım beru mekemelerımen 100 paiyz qamtylady, - dedı Danial Ahmetov.
Ūqsas jaŋalyqtar
