Almaty qalasy, Alataý aýdanyna qarasty Alǵabas-6 yqsham aýdany №182 mektebinde QR Prezıdenti kúnine oraı Qazaq handyǵynyń 550 jyldyǵyna arnalǵan teatrlandyrylǵan qoıylym qoıdy. T.Júrgenov atyndaǵy Qazaq ulttyq óner akademııasynyń kásibı mamandarynyń sahnalaýymen bolatyn kóriniske mektep oqýshylary óz qabiletterin kórsetýge múmkindik aldy. Qoıylymǵa 7-10 synyp aralyǵyndaǵy oqýshylar qatysady. Qoıylym sońy án men kúıden shashý shashqan konerttik baǵdarlamamen jalǵasyn tapty. Tórtinshi synyp oqýshylarynan turatyn hor ánshileri kórermen qaýymnyń júregine jylylyq syılaı bildi.
Almaty qalasynyń №182 jalpy bilim beretin mektebiniń dırektory Shyryngúl Zeınýllaevanyń aıtýynsha, Kereı men Jánibek handardan bastaý alǵan Qazaq handyǵy kezeńin sahnalaý arqyly jas tolqynnyń tarıhı tanymyn arttyra otyryp, otanshyldyqqa, ultyn súıer ulan retinde qalyptastyrý kózdelgen. «Qazaqtyń baılyǵy men darhan dalasy, qazirgi Táýelsizdigi úshin babalardyń qanshalyqty qan men ter tókkenin jastarǵa uqtyryp, tolqymaly tarıhy bar el men jerdiń qadir-qasıetin túsindirýge umtylys jasaldy» deıdi mektep dırektory Shyryngúl Zeınýllaqyzy.
Sharaǵa qatysqan balalardyń daıyndyq deńgeıiniń joǵary ekeni birden kórinip turdy. Ásirese, qazaqtyń handary men bıleri, rý-taıpa kósemderi somdalǵan tarıhı qoıylymdary el yqylasyna bólendi. Qoıylym rejısseri, jas ártis Azat Myńbaevtyń aıtýynsha, balalar óz sheberlikterin kún sanap shyńdap keledi. «Árıne, mektep sahnasy teatr sahnasyndaı túrli kombınaııalyq sheshimder jasaýǵa asa qolaıly emes. Degenmen, biz bar múmkindikti paıdalanyp, kórinisti barynsha tartymdy etýge tyrysyp baqtyq. Soǵan oraı, oqýshylar da nanymdy, bar zeıinimen oınady» deıdi Azat Myńbaev. Aıta ketý kerek, mektep qabyrǵasynda «Aq jelken» teatry «jelken kótergenine» kóp bola qoımaǵan. Osy shara barysynda «Aq jelkenniń» de tusaýy kesilgenin kópshilikten súıinshilegimiz keledi. Ataýly sharadaǵy qoıylymdar balalar teatrynyń tyraq aldy shyǵarmashylyq jemisi ekeni óz-ózinen túsinikti.
Jastardyń óner-bilimge umtylýy qýantarlyq jaıt. Osynaý ónerge qushtar jas órenderimizdiń el ıgiligine qyzmet eter azamat bolyp óserine kámil senim artamyz.
Arman SERIKULY
