Oralda polıııa kóligi adam qaqqan jerdi túsirgen blogerge aıyp taqty

740
Polıııa kóligi qaqqan Larısa Beısovanyń sýretin aýrýhanaǵa onyń jaǵdaıyn bilýge kelgen týystary smartfonnan kórsetip tur. Oral, 19 qarasha 2019 jyl.

18 qarasha kúni keshke Batys Qazaqstan oblysynyń ortalyǵy Oral qalasynda polıııa patrýliniń kóligi kósheniń jaıaý adam ótetin tusynda 21 jastaǵy boıjetkendi qaǵyp ketken. Dárigerler jedel járdem kóligimen aýrýhanaǵa jetkizilgen Larısa Beısovanyń jaǵdaıy aýyr deıdi. Oblystyq densaýlyq saqtaý basqarmasynyń deregi boıynsha, boıjetkenniń bas súıegi zaqymdanyp, mıy shaıqalǵan. Aýrýhanada es-tússiz jatqan qyzǵa týystaryn áli jolyqtyrmaǵan.

Seısenbige qaraǵan túni jol apaty bolǵan jerge barǵan jergilikti bloger Aıbolat Bókenov kórgenin smartfonǵa túsirgen. Blogerdiń sózinshe, ol Oraldyń Zachagansk dep atalatyn aýdanyna jetken kezde zardap shekken qyzdy jedel járdem alyp ketken. Álgi jerde polıııa qyzmetkerleri turǵan. Bókenovtiń aıtýynsha, ol apat bolǵan jerge barǵan oblystyq polıııa departamentiniń bastyǵy Mahsuthan Ablazımovqa suraq qoıǵan. Ózin túsirýge tyıym salǵan polıııa sheneýnigi blogerdiń smartfonyn qolynan julyp alyp, qaramaǵyndaǵy qyzmetkerlerine apat bolǵan jerde túsirilgen jazbalardy óshirip tastaýdy buıyrǵan. Bókenovti áýeli medıınalyq tekserýden ótkizýge aparǵan, keıin Zachagansk polıııa bólimshesine jetkizip, ústinen "polıııa qyzmetkeriniń talabyna baǵynbaý" baby boıynsha ákimshilik quqyqbuzýshylyq týraly hattama toltyrǵan. "Men bóget jasaǵan joqpyn, suhbat almaqshy boldym" dedi Azattyqqa Bókenov 19 qarashada.

Seısenbi kúni tústen keıin oblystyq polıııa departamenti ózine qarasty qyzmet kóligi jol apatyna ushyraǵanyn rastady. Departamenttiń baspasóz qyzmetine siltegen Tengrinews.kz saıty kólikti basqarǵan polıııa aǵa leıtenanty Baımuqashevqa qatysty Qylmystyq kodekstiń 345-baby ("Jol júrisi nemese kólik quraldaryn paıdalaný qaǵıdalaryn buzý") boıynsha tergeý bastalǵanyn habarlady.

Buǵan qosa polıııa departamenti bloger Aıbolat Bókenovtiń "beıbereket qozǵalyp, ózi men ózge adamdarǵa qaýip tóndirgenin, polıııa qyzmetkerleriniń is-qımylyn túsirmekshi bolyp jol ústine shyǵyp ketkenin" aıtyp, "tergeýge kedergi keltirdi" dep túsindirgen. Polıııa ókilderi Bókenov eskertýdi elemeı, "agressııa tanytqan" jáne medıınalyq tekserý qorytyndysy kórsetkendeı, "masańdaý kúıde bolǵan" deıdi.

"Azattyq" radıosy

Pikirler