«Aýyl – el besigi» jobasy aıasynda Áýlıeata aýyldaryna ár kirdi

4138
Adyrna.kz Telegram

Ádette oblys ortalyǵyna nazar aýdarylyp, aýyl-aımaqtar nazardan tys qalyp jatatyny jasyryn emes. Alaıda Jambyl obysynyń ákimi Asqar Myrzahmetov Taraz qalasynan bólek aýdan ortalyqtarynyń da sándi bolýyna nazar aýdaryp otyr.

Máselen, Jambyl oblysynda «Aýyl – el besigi» jobasy qolǵa alynyp, osynyń arqasynda birneshe aýdannyń ortalyǵy jańartylyp jatyr.  Oblys ákimdiginiń ekonomıka jáne bıýdjettik josparlaý basqarmasynyń basshysy Gúldana Jaýynbekovanyń aıtýynsha, joba aıasynda oblystyń 3 aýdan ortalyǵynda 108 joba júzege asyrylýda. Oǵan respýblıkalyq bıýdjetten bólingen 2,77 mıllıard teńge qarastyrylypty. Onyń ishinde 104 joba áleýmettik, turǵyn-úı kommýnaldyq sharýashylyǵy, kólik ınfraqurylymdary nysandaryn jóndeýge baǵyttalsa, tórt joba boıynsha áleýmettik nysandardyń qurylysy júrgizilýde eken.

Atap aıtar bolsaq, Jambyl aýdany Asa aýylyndaǵy ámbebap zaly bar sporttyq-saýyqtyrý kesheniniń qurylysy, Shý aýdanynyń ortalyq aýdandyq aýrýhanasyna japsarlas ǵımaratynyń, Shý aýdany Tóle bı aýylynda «Mádenıet úıiniń» jáne ámbebap zaly bar sporttyq-saýyqtyrý kesheniniń qurylysy júrgizilýde. Barlyq jobalar boıynsha jumystar bastalyp, júrgizilýde desek, 85 joba aıaqtalyp úlgerilgen. Al, tórt joba keler jylǵa ótpeli.

Jalpy «Aýyl – el besigi» jobasynyń qoldanysqa engizilgenine aýyl halqy dán rıza. Solardyń biri Jambyl aýdany Asa aýylynyń turǵyny Serik Batyrbekuly.

«Bizdiń aýdan ortalyǵymyz qalanyń irgesinde ornalasqanymen jaǵdaıy tómen bolatyn. Alaıda «Aýyl – el besigi» jobasynyń arqasynda aýylymyzdyń ári kirip, kóptegen ıgi ister atqaryldy. Sondaı-aq aldaǵy ýaqytta Abaı kóshesiniń boıynan sporttyq-saýyqtyrý kesheni salynyp, paıdalanýǵa berideıin dep jatyr. Bul men sııaqty 4 ul ósirip otyrǵan ata-ana úshin úlken qýanysh. Sebebi balalarym bos ýaqytynda sportpen aınalysyp, ýaqytyn tıimdi paıdalanatyn bolady» – deıdi ol

Keler jyldan bastap úsh aýdany «Aýyl – el besigi» jobasyna enip otyr.

«2020 jylǵa oblystyń 3 aýylynda Qordaı aýdany Qordaı aýyly, Merki aýdany Merki aýyly, Sarysý aýdany Saýdakent aýylynda barlyǵy 53 joba júzege asady dep josparlanǵan. Oǵan 2 mıllıard teńge lımıt belgilenip, tıisti qujattar QR Ulttyq ekonomıka mınıstrligine usynyldy», - deıdi Gúldana Jaýynbekova.

 «ADYRNA»

ulttyq portaly

Pikirler