Jaqtastary belsendiniń "qamaýdan qashqanyn" aıtqan polıııadan aıǵaq talap etti

1539
Polıeılerdiń belsendi Dýlat Aǵadildi (ortada) kúshtep ustap jatqan sáti. Nur-Sultan, 26 qazan 2019 jyl.

Aqmola oblysy polıııa departamenti ákimshilik sot sheshimimen qamaýda otyrǵan Dýlat Aǵadildiń "qashyp ketkenin" aıtady. Bul habarǵa kúmán keltirgen quqyq qorǵaýshylar men jaqtastary belsendiniń "qashqany" jaıly vıdeony kórsetýdi talap etti.

"VIDEONY KÓRSETÝDI TALAP ETEMIZ!"

Qarashanyń 14-i kúni Nur-Sultan qalasynda Qazaqstan ishki ister mınıstrligi aldyna jınalǵan bir top azamat jergilikti belsendi Dýlat Aǵadil týraly tolymdy aqparat berýdi talap etti. Narazylarmen sóılesken Ishki ister mınıstrligi ákimshilik polıııa komıtetiniń ókili, polıııa polkovnıgi Kárim Jarylqasynovtyń aıtýynsha, Aqmola oblysy elınograd aýdany ortalyǵy Aqmol kentindegi ýaqytsha qamaý ızolıatorynda ákimshilik qamaýda otyrǵan jalǵyz adam – belsendi Dýlat Aǵadil ǵana otyrǵan.

- Baqylaý kamerasyna onyń kıimin kıip, jaryqty óshirip kameradan shyqqany, dálizde ary-beri serýendep júrgeni jazylǵan. Aıaǵy aýyratynyn aıtqan soń oǵan dálizde serýendeýge ruqsat bergen. Keshe ol kezekshiniń telefonǵa jaýap berip jatqan sátin paıdalanyp, birinshi qabattaǵy terezeniń syrtqy tory ashyq qalǵanyn kórgen soń, sol arqyly syrtqa shyǵyp ketken, izderi bar, - dedi Jarylqasynov.

"Kúıeýim búgin shyǵýy tıis bolatyn, qashyp ketken degenge senbeımin, baqylaý kamerasynyń jazbasyn kórsetýińizdi suraımyn" degen Dýlat Aǵadildiń jubaıyna ákimshilik polıııa komıteti ókili Jarylqasynov:

- Búgin emes, Dýlat Aǵadil qarashanyń 19-y kúni shyǵýy tıis bolatyn. Sebebi, aldyńǵy merzimine "sotty qurmettemegeni úshin" taǵy bes táýlik jaza merzimi qosylǵan, ol týraly sot qaýlysy bar, - dep jaýap berdi.

Baqylaý kamerasyndaǵy jazbany kórsetýdi talap etken belsendiniń týystary men jaqtastaryna ol elınograd aýdandyq polıııa bóliminen mán-jaıdy anyqtaýǵa bolatynyn aıtty.

Belsendi Bıbigúl Tuıaqovanyń áleýmettik jelidegi translıaııasy:

"QAIDA EKENI BELGISIZ"

Polıııa qyzmetkerleriniń ákimshilik sot sheshimimen qamaýda otyrǵan Dýlat Aǵadildiń "qashyp ketkenin" habarlap, ony izdeýge kiriskeni týraly qarashanyń 13-i kúni áleýmettik jelide nur-Sultandyq belsendi Nurjan Seıitjanov habarlaǵan. Ol sársenbi kúni úıine "Aǵadildi izdep kelgen" polıeılerdiń dıvannyń astyna úńilip, tekserip jatqan sátinen túsirilgen vıdeony jarııalaǵan.

Beısenbi kúni Azattyq tilshisi sóılesken Dýlat Aǵadildiń advokaty Danııar Aqtanov ýaqytsha qamaý ızolıatoryna kirýge ruqsaty bolmaǵandyqtan qolynda belsendi jaıly eshqandaı aqparat joǵyn, qazir onyń qaıda ekenin bilmeıtinin aıtty. Onyń sózinshe, qamaýda bolǵan kezde Aǵadil eshkimmen baılanysqa shyqpaǵan.

- Qashyp ketti me, álde qashpady ma, nemese basqa jaqqa alyp ketti me, ol jaǵy ázirge túsiniksiz, - dedi ol.

Aqtanov qarashanyń 13-i kúni keshke Aǵadildiń ústinen qozǵalǵan isti júrgizip jatqan tergeýshige telefon shalyp, belsendi týraly aqparat tússe ózine habarlaýyn suraǵanyn aıtty.

Qazaqstandyq quqyq qorǵaýshylar men belsendiler bılikti Dýlat Aǵadilge baılanysty barlyq mán-jaıdy anyqtap, barlyq aqparatty jarııalaýǵa shaqyrdy.

42 jastaǵy Dýlat Aǵadil azamattyq quqyqtar men saıası bostandyqtardyń saqtalýyn talap etip júrgen belsendi retinde tanymal. Ol bılikke narazylyq akııalaryna qatysqany úshin buǵan deıin birneshe ret ákimshilik qamaýda bolǵan. Sońǵy ret qarashanyń 4-i kúni Aqmol kentinde "sotqa aparmaq bolǵan polıııanyń zańdy talabyna baǵynbaǵan" degen aıyp taǵylyp, sot sheshimimen 10 táýlikke qamalǵan.

Oǵan deıin, qazannyń 28-i kúni elınograd aýdandyq soty Dýlat Aǵadildi "qazannyń 17-i kúni aýdandyq polıııa bóliminde bılik ókilderiniń talabyna moıynsunbaǵan" degen aıyppen 10 táýlikke qamaýǵa sheshim shyǵarǵan.

Belsendiler Dýlat Aǵadil (sol jaqta), Álııa Jakýpova men Nazym Serikpekova ákimshilik sotta otyr. Nur-Sultan, 25 tamyz 2019 jyl.
Belsendiler Dýlat Aǵadil (sol jaqta), Álııa Jakýpova men Nazym Serikpekova ákimshilik sotta otyr. Nur-Sultan, 25 tamyz 2019 jyl.

Tamyzdyń 27-i kúni Nur-Sultandaǵy mamandandyrylǵan aýdanaralyq ákimshilik soty belsendi Dýlat Aǵadildi "sherý ótkizý tártibin buzdy" dep aıyptap, on táýlikke qamaǵan. Advokaty Danııar Ahtanovtyń aıtýynsha, ákimshilik sot belsendiniń ústinen bir kúnde eki sot ótkizgen. "Beıbit mıtıng, sherý, pıket ótkizý tártibin buzý" baby boıynsha aıyp taǵylǵan ony bir sýdıa aqtasa, ile-shala ekinshi sot bolyp, basqa sýdıa dál sol bappen aıypty dep tanyp, on táýlikke qamady" degen advokat.

Sodan úsh kúni buryn, tamyzdyń 24-i kúni Dýlat Aǵadil "polıııaǵa baǵynbady" dep aıyptalyp, bes táýlikke qamalǵan edi. Sot ony tamyzdyń 24-ine Nur-Sultan polıııa departamentiniń aldynda "zańsyz akııa ótkizdi" dep aıyptap, dálel retinde belsendilerdiń tamyzdyń 23-i AQSh elshiligi men Áziret Sultan meshiti aldyndaǵy "saıası tutqyndardy" bosatýdy talap etken narazylyqtan túsirilgen vıdeony paıdalanǵan.

Dýlat Aǵadil ózine taǵylǵan barlyq aıyptardy joqqa shyǵaryp, moıyndamaıtynyn málimdegen.

Bıyl maýsymnyń 9-y, Qazaqstanda kezekten tys prezıdent saılaýy ótken kúni Nur-Sultanda polıeıler Azattyq radıosynyń tikeleı efırine bara jatqan Dýlat Aǵadildi ustap, Esil aýdandyq polıııa bólimine aparǵan. Keıin belsendi polıııa bóliminde bılik ókilderi ózine kúsh kórsetkeni týraly málimdegen.

Belsendi Dýlat Aǵadildiń jaraqat alǵany týraly dárigerdiń anyqtamasy. 18 maýsym 2019 jyl.
Belsendi Dýlat Aǵadildiń jaraqat alǵany týraly dárigerdiń anyqtamasy. 18 maýsym 2019 jyl.

- Bir maıor men eki-úsh adam uryp tepkilep, qolymdy shyǵaryp jiberdi. Iyǵym kógerip, isip ketken soń jedel járdem shaqyryp edi, olar №1 qalalyq emhana alyp bardy. Iyǵy shyqqan dep salyp, gıpstep berdi, - degen ol Azattyq tilshisine.

Dýlat Aǵadil polıııanyń ústinen sol kúni túnde kezekshi prokýrorǵa aryzdanǵan. Sonymen birge ol Bas prokýratýraǵa maýsymnyń 9-ynda polıııa tárkilep alyp ketken telefonyn qaıtarýdy surap, shaǵym jazǵan.

Belsendiniń shaǵymy boıynsha qandaı shara qabyldanǵanyn Bas prokýratýra habarlaǵan joq.

"Azattyq" radıosy

Pikirler