Elimizde «Eńbek» baǵdarlamasy arqyly ekń qolǵa bir kúrek tapqan azamattar jeterlik. Sondaı-aq Jambyl oblysynyń turǵyndary da atalǵan baǵdarlamanyń ıgiligin kórip jatyr.
QR eńbek jáne halyqty áleýmettik qorǵaý vıe-mınıstri Erjan Jylqybaev Jambyl oblysyna jumys saparmen kelip, áleýmettik salada atqarylyp jatqan jumystar týraly baıandady. Sondaı-aq vıe-mınıstr Prezıdenttiń Qazaqstan halqyna Joldaýynyń negizgi baǵyttaryn túsindirip, múgedekter men jumyssyzdarǵa memlekettik qoldaý sharalary týraly egjeı-tegjeıli aıtyp berdi.
«Bıyl múmkindigi shekteýli azamattarǵa beriletin járdemaqyǵa jalpy 315 mıllıard teńge bólindi. Jalpy bul qarjy ótken jylǵa qaraǵanda 10 paıyzǵa artyq bolyp otyrǵanyn aıtyp ótkim keledi. Sondaı-aq, áleýmettik qyzmet kórsetý júıesin jańǵyrtý, qyzmetter men ońaltý quraldarynyń sapasy men qoljetimdiligin arttyrý maqsatynda 2020 jylǵy 1 qańtardan bastap Qazaqstanda áleýmettik qyzmet kórsetý portaly engiziletinin habarlady» – dedi ol.
Vıe-mınıstr Taraz qalalyq Jumyspen qamtý ortalyǵynyń qyzmetkerlerimen áńgimelesý barysynda, «Eńbek» memlekettik baǵdarlamasy aıasynda granttar men mıkrokredıtter berý boıynsha jumysty jandandyrýdy usyndy.
«Memleket basshysy Qazaqstan halqyna Joldaýynda kópbalaly jáne tabysy az otbasylardy kásipkerlikke belsendi túrde tartýdy tapsyrdy. Ol úshin «Eńbek» memlekettik baǵdarlamasynda «Bıznes bastaý» jobasy aıasynda kásipkerlik negizderine oqytýdan bastap, granttar men mıkrokredıtter berýge deıingi barlyq qajetti quraldar bar. Jambyl oblysynda óz bıznes-jobalaryn qorǵaǵan 2 934 adamnyń 1 046-y mıkrokredıt aldy. Josparlanǵan 1 783 granttyń tek 1 314 nemese 73,7 paıyzy ǵana berildi. Josparlanǵan kórsetkishterge jetý úshin olardy mıkrokredıtter men granttar berý boıynsha jumysty jandandyrý qajet dep sanaımyn», – dedi Erjan Jylqybaev.
Mınıstrdiń birinshi orynbasary «Eńbek» baǵdarlamasyn júzege asyrý aıasynda mıkronesıe alǵannan keıin óz bıznesin tabysty damytyp otyrǵan tarazdyqtarmen kezdesti. Ol tarazdyq áıelderdiń belsendiligin aıryqsha aıtyp ótti.
«Tarazda memleket usynatyn múmkindikterdi paıdalanýdyń ońtaıly mysaldary bar. Men áıelderdiń belsendiligin atap ótkim keledi, «Eńbek» baǵdarlamasyna qatysýshylardyń biri sulýlyq salonyn, ekinshisi – oıyn klýbyn, al úshinshisi – trotýar taqtalaryn, qabyrǵa bloktaryn, jol jıekterin, qaptaý materıaldary óndirisin ashqan. Eń bastysy, bul áıelder óz otbasylarynyń materıaldyq jaǵdaıyn jaqsartyp qana qoımaı, basqa adamdardy jumyspen qamtyp otyr», – dep atap ótti Jylqybaev.
«ADYRNA»
ulttyq portaly
