Elımızde «Eŋbek» baǧdarlamasy arqyly ekŋ qolǧa bır kürek tapqan azamattar jeterlık. Sondai-aq Jambyl oblysynyŋ tūrǧyndary da atalǧan baǧdarlamanyŋ igılıgın körıp jatyr.
QR eŋbek jäne halyqty äleumettık qorǧau vise-ministrı Erjan Jylqybaev Jambyl oblysyna jūmys saparmen kelıp, äleumettık salada atqarylyp jatqan jūmystar turaly baiandady. Sondai-aq vise-ministr Prezidenttıŋ Qazaqstan halqyna Joldauynyŋ negızgı baǧyttaryn tüsındırıp, mügedekter men jūmyssyzdarǧa memlekettık qoldau şaralary turaly egjei-tegjeilı aityp berdı.
«Biyl mümkındıgı şekteulı azamattarǧa berıletın järdemaqyǧa jalpy 315 milliard teŋge bölındı. Jalpy būl qarjy ötken jylǧa qaraǧanda 10 paiyzǧa artyq bolyp otyrǧanyn aityp ötkım keledı. Sondai-aq, äleumettık qyzmet körsetu jüiesın jaŋǧyrtu, qyzmetter men oŋaltu qūraldarynyŋ sapasy men qoljetımdılıgın arttyru maqsatynda 2020 jylǧy 1 qaŋtardan bastap Qazaqstanda äleumettık qyzmet körsetu portaly engızıletının habarlady» – dedı ol.
Vise-ministr Taraz qalalyq Jūmyspen qamtu ortalyǧynyŋ qyzmetkerlerımen äŋgımelesu barysynda, «Eŋbek» memlekettık baǧdarlamasy aiasynda granttar men mikrokreditter beru boiynşa jūmysty jandandyrudy ūsyndy.
«Memleket basşysy Qazaqstan halqyna Joldauynda köpbalaly jäne tabysy az otbasylardy käsıpkerlıkke belsendı türde tartudy tapsyrdy. Ol üşın «Eŋbek» memlekettık baǧdarlamasynda «Biznes bastau» jobasy aiasynda käsıpkerlık negızderıne oqytudan bastap, granttar men mikrokreditter beruge deiıngı barlyq qajettı qūraldar bar. Jambyl oblysynda öz biznes-jobalaryn qorǧaǧan 2 934 adamnyŋ 1 046-y mikrokredit aldy. Josparlanǧan 1 783 granttyŋ tek 1 314 nemese 73,7 paiyzy ǧana berıldı. Josparlanǧan körsetkışterge jetu üşın olardy mikrokreditter men granttar beru boiynşa jūmysty jandandyru qajet dep sanaimyn», – dedı Erjan Jylqybaev.
Ministrdıŋ bırınşı orynbasary «Eŋbek» baǧdarlamasyn jüzege asyru aiasynda mikronesie alǧannan keiın öz biznesın tabysty damytyp otyrǧan tarazdyqtarmen kezdestı. Ol tarazdyq äielderdıŋ belsendılıgın airyqşa aityp öttı.
«Tarazda memleket ūsynatyn mümkındıkterdı paidalanudyŋ oŋtaily mysaldary bar. Men äielderdıŋ belsendılıgın atap ötkım keledı, «Eŋbek» baǧdarlamasyna qatysuşylardyŋ bırı sūlulyq salonyn, ekınşısı – oiyn klubyn, al üşınşısı – trotuar taqtalaryn, qabyrǧa bloktaryn, jol jiekterın, qaptau materialdary öndırısın aşqan. Eŋ bastysy, būl äielder öz otbasylarynyŋ materialdyq jaǧdaiyn jaqsartyp qana qoimai, basqa adamdardy jūmyspen qamtyp otyr», – dep atap öttı Jylqybaev.
«ADYRNA»
ūlttyq portaly
