Atyraýdan 2500 jyldyq tarıhy bar qazan tabyldy

2605
Adyrna.kz Telegram

Atyraý tarıhı-ólketaný mýzeıi jańajádigermen tolyqty. Osy joly arheologtar Inder aýdany aýmaǵyndaǵy Borsyqty qorymynan qoladan quıylǵan taıqazan tapty, dep jazady «Habar» arnasynyń saıty.

Mamandar  qazannyń tarıhyn osydan 2500 jyl buryn Hazar teńizin mekendegen sarmattar dáýirimen baılanystyryp otyr. Bul jádigerler – bizdiń dáýirimizge deıingi 3-5 myń jyldyqtardyń murasy. Syıymdylyǵy shamamen 100 lıtrlik myna taıqazannyń bir ereksheligi – maıysyp, qabystyrlǵan. Mamandar qazannyń búıirinen 27 tesik tapty. «Demek, otbasynyń basty qundylyǵy sanalatyn dúnıe ádeıi isten shyǵarylǵan», – deıdi ǵalymdar.Tabylǵan qazanǵa qatysty Á.Marǵulan atyndaǵy arheologııalyq ınstıtýtynyń bólim meńgerýshisi Arman Beısenov pikirin bildirdi.

«Qazannyń osyǵan deıingi ıesi qaıtys bolǵan bolýy kerek. Múmkin ıesiniń artynan jalǵastyratyn urpaǵy bolmaǵan bolýy kerek dep oılaımyz. Demek, sol januıanyń áldeqandaı sebeptermen urpaǵy jalǵaspaı qalǵan. Borsyqty qorymynan munan ózge 20-ǵa jýyq kóne jádiger tabyldy. Onyń ishinde sarmattar dáýirine jatatyn ıismaı quıatyn quty, temirden soǵylǵan kezdik pen qylysh, qaıraq tas sekildi buıymdar bar. Mamandardyń nazaryn aýdarǵan taǵy bir nárse myna súıekten jasalǵan qasyq boldy», - deıdi A.Beısenov. Oblystyq tarıhı-ólketaný mýzeıiniń dırektory Rashıda Harıpovanyń aıtýynsha tabylǵan jádigerler saq-sarmat dáýirine jatady.«Buryn mysaly qazandar biren-saran tabylǵanymen, súıek qasyq alǵash tabylyp otyr. Mýzeıdiń arheolog mamandarynyń paıymdaýynsha, bul jerge áıel adam jerlengen bolýy múmkin. Atyraý oblysynda arheologııalyq qazba jumystary onan ári jalǵasýda. Buǵan deıin elimiz boıynsha úshinshi altyn adam tabylǵan «Araltóbe», altyn áshekeıli áıel múrdesi shyqqan «Qorǵansha» men bes qarýy beline baılanǵan hansha tabylǵan «Aqtóbe» qalalarynyń orny talaı syrdy ishine búgip jatqany anyq. Sondyqtan bir kezdegi sarmattar men saqtardyń otany bolǵan óńir ǵalymdardyń qyzyǵýshylyǵyn arttyryp otyr», - dedi R.Harıpova.


Avtorlary: Arystanbek Kenje, Temirlan Sultanǵazıev 

 

 

Pikirler