17 jasqa deıingi Tájikstan quramasy Brazılııada ótip jatqan Álem chempıonatynyń birinshi kezeńinde Kamerýnnan kelgen qurdastaryn jeńdi. Kezdesý 1-0 esebimen tájikterdiń paıdasyna aıaqtaldy, dep habarlaıdy Soccerway.
Matchtyń birinshi taımynda tájikter qorǵanysta jatyp, asa saq oınaýǵa tyrysty, kamerýndyqtar jıi shabýyldady, biraq qaýipti soqqyny Leonel Vamba jasady, ol taım bitýge birneshe mınýt qalǵanda aıyp alańyna kirip, Shohrýh Kırgızboev qorǵaǵan qaqpanyń mańdaıshasyn dir etkizdi.
Ekinshi taım bastala salysymen, Tájikstan quramasynyń jattyqtyrýshysy Zaınıddın Rahımov shabýylǵa serpin berip, kameraýndyqtardyń qaqpasyna qysym jasaý úshin taǵy bir shabýylshy Rýstam Soırovty oıynǵa qosty. Arada alty mınýt ótken soń Kamerýn quramasynyń qaqpashysy Manfred Ekoı jańa ǵana oıynǵa shyqqan Soırovty shalyp qulatty. Penltı! Sharıfbek Rahmatov múmkindikti múlt jibermeı, matchta esep ashty. Fınaldyq ysqyryqqa jarty saǵat qalǵanda Soırov ózi de gol soqty, biraq tóreshi tájik komandasynyń gol salý kezinde ereje buzǵanyn baıqap, goldy sanamaı tastady. Kamerýndyqtar da qarap qalmaı, kóp shabýyldady. Qyrǵyzboevtyń qaqpasyna oıyn sátinde týra on soqqy jasady, biraq tájik qaqpashysy senimdi qımyldady. Kezdesýdiń 73-mınýtynda ekinshi sary qaǵazyn alǵan Shýhrat Elmýrodov oıynnan qýyldy. Biraq, 10 oıynshy qalsa da qorǵanysy syr bermegen Tájikstan jeńiske jetti.
«Balalar bizdiń taktıkamyzdy sátti oryndady. Ásirese Shohrýh qaqpamyzdy senimdi qorǵady. Fýtbolda qaqpashy - bul komandanyń jartysy degen sóz. Ol osy sózdiń rastyǵyn dáleldedi. Men barlyq tájikterdi osy jeńisimen quttyqtaımyn », - dedi Rahımov matchtan keıingi baspasóz máslıhatynda.
E tobyndaǵy basqa matchta Ispanııa men Argentına 0: 0 esebimen teń tústi. Álem kýbogyndaǵy kelesi kezdesý, tájikter 31 qazanda ıspandyqtarǵa qarsy ótkizedi. Kamerýn Argentınamen oınaıdy.
Álem chempıonaty Brazılııada 26 qazan men 17 qarasha aralyǵynda ótedi. Týrnırge 24 komanda qatysady. Pleı-offtaǵy ár toptan eki úzdik komanda shyǵady, sonymen qatar úshinshi oryn alǵan tórt úzdik komanda shyǵady. Tájikstan quramasy bul týrnırdegi Ortalyq Azııanyń jalǵyz ókili.
Tájikter 2018 jylǵy Azııa chempıonatynda kúmis alyp, 2019 jylǵy Álem chempıonatyna joldama aldy. Buǵan deıin Tájikstan quramasy 2007 jyly Ońtústik Koreıada ótken jastar arasyndaǵy álem chempıonatyna qatysqan bolatyn. Ol kezde toptyq kezeńde tájik oıynshylary AQSh-ty (4: 3) jeńdi, biraq Belgııadan (0: 1) jáne Týnısten (0: 1) utyldy.
