Qazaqstan Koreıadan maýsymdyq jumysqa ruqsat surady

3838
Adyrna.kz Telegram

Qazaqstan úkimeti qazaqstandyqtardyń balyq aýlaý jáne aýylsharýashylyq óndirisinde maýsymdyq jumys isteýi úshin Ońtústik Koreıa úkimetinen ruqsat suraıdy, dep jazady «Kazahstanskaıa pravda» SIM ókili Aıbek Smadııarovqa silteme jasap.

Bul prezıdent Qasym-Jomart Toqaevtyń tapsyrmasy boıynsha jasaldy, - dedi Aıbek Smadııarov. Qazirgi ýaqytta qazaqstandyqtardyń Ońtústik Koreıada zańdy jumyspen qamtylýy ekijaqty yntymaqtastyqta qarastyrylmaǵan.

Koreıaǵa 30 kúnge vızasyz kirý jumysqa ornalasýdy qamtamasyz etpeıdi, sondyqtan Koreıaǵa osy maqsatta jiberetin barlyq qazaqstandyq kompanııalar zańsyz jumys isteıdi.

SIM Seýl áýejaıynda «zańsyzdyqqa» shaǵymdanǵan qazaqstandyq áıeldiń isine qatysty túsinikteme berdi. Áıel bılet satyp alyp, jumys berýshi kompanııa arqyly qonaqúıge tapsyrys bergen, biraq shekarashylar onyń kirýine tyıym salǵan. Ol áıelmen birge taǵy 70 qazaqstandyq jertólege jetkizildi, olarǵa tamaq satyp alýǵa da ruqsat berilmedi. Áıeldiń qaltasynda tek teńge bolǵan, sondyqtan  qaıtý bıletin oǵan qyzy satyp alýǵa májbúr boldy.

Qazaqstandyqtar Ońtústik Koreıada vızasyz 30 kún bola alady. Osy elde oqýdy, jumys isteýdi nemese turýdy josparlaǵandar úshin bul ereje qoldanylmaıdy. Resmı málimet boıynsha Koreıada 10 myńnan astam qazaqstandyq zańsyz júr.

10 qazanda jarııalanǵan SIM-niń bul málimetteri respýblıkanyń birinshi prezıdenti Nursultan Nazarbaevtyń naýryzda qazaq aktrısasy oınaǵan qyrǵyz mıgranty týraly fılmge túsinikteme bergen sózin joqqa shyǵarady: «Qudaıǵa shúkir, men árdaıym táýelsizdiktiń 27 jylynda qazaqstandyqtar esh jerde mıgrant bolǵan emes dep aıttym» degen bolatyn Elbasy.

21 qazanda Ońtústik Koreıada jolda balany qaǵyp ketip, oqıǵa ornynan qashyp ketken mıgrant qazaqpen bolǵan oqıǵadan keıin Seýl zańsyz sheteldikterdi kóshirý erejelerin qatańdatý týraly sheshim qabyldady.

"Adyrna" ulttyq portaly

Pikirler