Petropavlda 60 jastaǧy taksi jürgızuşısı jolauşymen janjaldan keiın auyr jaraqat alyp, köz jūmdy, dep habarlaidy “Adyrna” ūlttyq portaly.
Kuägerlerdıŋ aituynşa, oqiǧa ötken jeksenbıde Podgora audanynda bolǧan. Taksi jürgızuşısı kölıgıne mas küidegı jolauşylardy otyrǧyzǧan. Janjal jolauşynyŋ kölık ışınde temekı şeguınen bastalǧan.
«Jürgızuşı jolauşyǧa eskertu jasap, temekısın tartyp alǧan. Bıraq jolauşy taǧy bır temekı şyǧarǧan. Sol sätten bastap salonda söztalas bastalǧan. Keiın olar Altynsarin köşesındegı şırkeu maŋyna kelgende janjal töbeleske ūlasqan. Jolauşy jürgızuşını ūrǧan. Däl qalai bolǧanyn bılmeimız, mümkın jürgızuşı de oǧan soqqy jasaǧan şyǧar. Bıraq jürgızuşı asfaltqa qūlap, basyn qatty ūryp alǧan. Komaǧa tüsken edı, bügın qaitys boldy», – deidı qalalyq taksi jürgızuşılerı.
Polisiia äzırge oqiǧanyŋ tolyq män-jaiyn jariialaǧan joq. Alaida küdıktınıŋ ūstalǧanyn rastady.
«Petropavlda polisiia qyzmetkerlerı 60 jastaǧy taksi jürgızuşısıne auyr dene jaraqatyn salǧan degen küdıkpen er adamdy ūstady. Jäbırlenuşı alǧan jaraqatynan keiın köz jūmdy. Qazır atalǧan faktı boiynşa barlyq qajettı tergeu amaldary jürgızılude. Oqiǧanyŋ barlyq män-jaiy men sebepterı anyqtalyp jatyr», – dep habarlady SQO Polisiia departamentınıŋ baspasöz qyzmetı.
Ūqsas jaŋalyqtar
